ബുറൈമി സർവകലാശാല അടിയന്തര സൈബർ സുരക്ഷാ മുന്നറിയിപ്പ് നൽകി

മസ്‌കറ്റ്: ഒമാനിൽ വിദ്യാഭ്യാസ സ്ഥാപനങ്ങളെ ലക്ഷ്യമിട്ട് നടക്കുന്ന ഫിഷിങ് സൈബർ ആക്രമണങ്ങളെ തുടർന്ന് വിദ്യാർഥികൾക്കും ജീവനക്കാർക്കും ബുറൈമി സർവകലാശാല അടിയന്തര സൈബർ സുരക്ഷാ മുന്നറിയിപ്പ് നൽകി. ട്യൂഷൻ ഫീസ് അടയ്ക്കണം, വ്യക്തിഗത വിവരങ്ങൾ പുതുക്കണം, സർവകലാശാല അക്കൗണ്ട് സ്ഥിരീകരിക്കണം തുടങ്ങിയ വ്യാജ സന്ദേശങ്ങളുമായി ഇ-മെയിലുകൾ പ്രചരിപ്പിച്ച് ഉപയോക്താക്കളുടെ വ്യക്തിഗത, സാമ്പത്തിക, അക്കൗണ്ട് വിവരങ്ങൾ തട്ടിയെടുക്കാനാണ് സൈബർ കുറ്റവാളികൾ ശ്രമിക്കുന്നതെന്ന് സർവകലാശാല അറിയിച്ചു. സംശയാസ്പദമോ അപ്രതീക്ഷിതമോ ആയ ഇ-മെയിലുകളിലെ ലിങ്കുകളിൽ ക്ലിക്ക് ചെയ്യരുതെന്നും അറ്റാച്ച്മെന്റുകൾ തുറക്കരുതെന്നും, വിഷയത്തിൽ ജാഗ്രത പാലിക്കണമെന്നും സർവകലാശാല നിർദേശിച്ചു.

Content Highlights: Buraimi University issued an urgent alert regarding phishing attacks., Scammers are targeting students and staff via fake emails., Fraudulent messages request tuition fees and account verification., Users are advised not to click suspicious links or open attachments.