ദി ഇന്ത്യൻ ക്ലബ് അംഗങ്ങളുടെ 10-ാമത് പ്രതിമാസ ബാഡ്മിന്റൺ ടൂർണമെന്റ് സമാപിച്ചു

മനാമ: ദി ഇന്ത്യൻ ക്ലബ് അംഗങ്ങൾക്കായുള്ള 10-ാമത് പ്രതിമാസ ബാഡ്മിന്റൺ ടൂർണമെന്റ് വിജയകരമായി സമാപിച്ചു. ക്ലബ്ബിന്റെ സജീവമായ കായികമേഖലയിലെ മറ്റൊരു സുപ്രധാന നാഴികക്കല്ലാണിത്. ഏറെ ആകാംക്ഷയോടെ കാത്തിരുന്ന ഒരാഴ്ച നീണ്ടുനിന്ന ഡബിൾസ് ടൂർണമെന്റ് സെപ്റ്റംബർ 27 മുതൽ ഒക്ടോബർ മൂന്ന് വരെയാണ് നടന്നത്.

ക്ലബ്ബിലെ മികച്ച കായികതാരങ്ങൾ തമ്മിലുള്ള ആവേശകരവും വാശിയേറിയതുമായ മത്സരങ്ങൾക്ക് വേദിയായി. അസാമാന്യമായ കായികക്ഷമതയും തന്ത്രപരമായ ടീം വർക്കും മികച്ച കായിക മനോഭാവവും പ്രകടമാക്കിയ മത്സരങ്ങളായിരുന്നു ടൂർണമെന്റിലുടനീളം കണ്ടത്. പങ്കെടുത്തവരുടെ ദൃഢനിശ്ചയവും മത്സരബുദ്ധിയും ആവേശവും ഓരോ മത്സരത്തെയും കാണികൾക്ക് ഹൃദ്യമായ അനുഭവമാക്കി മാറ്റി.

പ്രാദേശിക ബാഡ്മിന്റൺ പ്രവർത്തനങ്ങളെ പിന്തുണയ്ക്കാനുള്ള സന്മനസ്സും ഔദാര്യവും പ്രകടിപ്പിച്ച ഔദ്യോഗിക ടൂർണമെന്റ് സ്‌പോൺസർമാർക്ക് ദി ഇന്ത്യൻ ക്ലബ്ബ് എക്‌സിക്യൂട്ടീവ് കമ്മിറ്റി ഹൃദയം നിറഞ്ഞ നന്ദി രേഖപ്പെടുത്തി.

Content Highlights: The 10th monthly badminton tournament for Indian Club members successfully concluded in Manama.