ജെൻസൻ ഹുവാങ്ങിന്റെ മൂന്നാമത്തെ വഴിവിട്ട ബന്ധവും പുറത്ത്; പുതിയ വെളിപ്പെടുത്തലിൽ എൻവിഡിയയിലെ മറ്റൊരു ജീവനക്കാരിയെന്ന് റിപ്പോർട്ട്

വാഷിങ്ടൺ: എൻവിഡിയ (Nvidia) സഹസ്ഥാപകനും ചീഫ് എക്‌സിക്യുട്ടീവ് ഓഫീസറുമായിരുന്ന ജെൻസൻ ഹുവാങ് (Jensen Hu-ang) രാജിവെച്ചതിന് പിന്നാലെ അദ്ദേഹത്തിന്റെ മൂന്നാമത്തെ വഴിവിട്ട ബന്ധത്തെക്കുറിച്ചുള്ള വിവരങ്ങളും പുറത്ത്. എൻവിഡിയയിലെ മറ്റൊരു ജീവനക്കാരുമായി ഹുവാങ് പ്രണയബന്ധത്തിലായിരുന്നു എന്ന റിപ്പോർട്ടുകളാണ് ഇപ്പോൾ പുറത്തുവരുന്നത്. യുഎസ് ഇന്റലിജൻസ് ചൈനീസ് ചാരയെന്ന് സംശയിക്കുന്ന ആലീസ് ഹുവാങ്, എൻവിഡിയയുടെ ഹെൽത്ത്കെയർ വിഭാഗം വൈസ് പ്രസിഡന്റ് കിംബർലി പവൽ എന്നിവരുമായുള്ള അദ്ദേഹത്തിന്റെ ബന്ധത്തിന്റെ വിവരങ്ങൾ നേരത്തെ പുറത്തുവന്നിരുന്നു.

വാർത്തകൾക്ക് പിന്നാലെ വ്യാഴാഴ്ചയാണ് അദ്ദേഹം കമ്പനിയിൽ നിന്ന് രാജിവെച്ചത്. 63-കാരനായ ഹുവാങ്ങുമായി ബന്ധപ്പെട്ട മൂന്നാമത്തെ ബന്ധത്തെക്കുറിച്ചുള്ള വിവരങ്ങൾ റോയിട്ടേഴ്സുമായി അടുപ്പമുള്ള സ്രോതസുകളാണ് പുറത്തുവിട്ടിട്ടുള്ളത്. എന്നാൽ, ഈ രണ്ടാമത്തെ ജീവനക്കാരിയുടെ പേര് അവർ വെളിപ്പെടുത്തിയിട്ടില്ല. നവംബർ എട്ടിന് നൽകിയ പ്രസ്താവനയിൽ ആലീസ് ഹുവാങ്ങിന്റെ പേര് നേരിട്ട് പരാമർശിക്കാതെ തനിക്ക് മറ്റൊരു ബന്ധമുണ്ടായിരുന്നതായി ജെൻസൻ ഹുവാങ് സമ്മതിച്ചിരുന്നു.

എന്നാൽ പുതിയ വിഷയത്തിൽ പ്രതികരിക്കാൻ എൻവിഡിയ പ്രതിനിധികളോ ഹുവാങ്ങോ തയ്യാറായിട്ടില്ല. അതേസമയം, ഹുവാങ്ങുമായി ബന്ധപ്പെട്ട് പുറത്തുവന്ന ആരോപണങ്ങളിൽ എൻവിഡിയ ബോർഡ് അന്വേഷണം പ്രഖ്യാപിച്ചിട്ടുണ്ട്. ഹുവാങ് രാജിവെച്ചതിന് പിന്നാലെ കമ്പനിയിൽ നേതൃപ്രതിസന്ധിയും രൂക്ഷമാകുകയാണ്. മുൻ സിഇഒയുടെ പടിയിറക്കം അദ്ദേഹം തന്നെ വളർത്തിയെടുത്ത ആർട്ടിഫിഷ്യൽ ഇന്റലിജൻസ് (AI) മേഖലയെ പ്രതിസന്ധിയിലാക്കിയേക്കാം എന്ന് നിരീക്ഷകർ പറയുന്നു.

എഐ ചിപ്പുകൾ വാങ്ങുന്നത് എളുപ്പമാക്കുന്ന തരത്തിലുള്ള സങ്കീർണമായ സാമ്പത്തിക ക്രമീകരണങ്ങളിലൂടെ എഐ മേഖലയിൽ വലിയൊരു ഇക്കോസിസ്റ്റം നിർമ്മിക്കാൻ എൻവിഡിയ തങ്ങളുടെ സാമ്പത്തിക ശേഷി പ്രയോജനപ്പെടുത്തിയിരുന്നു. ഇതിന്റെ ഭാഗമായി ക്ലൗഡ് കമ്പ്യൂട്ടിങ് കമ്പനികൾക്കും എഐ ലാബുകൾക്കും കമ്പനി പിന്തുണ നൽകിയിരുന്നു. ആലീസ് ഹുവാങ്ങുമായുള്ള ബന്ധത്തിന്റെ വാർത്തകൾ പുറത്തുവന്നതോടെയാണ് ഹുവാങ്ങിന് മേൽ രാജിവെക്കാനുള്ള സമ്മർദം വർധിച്ചത്. തുടർന്നാണ് പവലുമായുള്ള ബന്ധവും വെളിപ്പെട്ടത്.

ഈ മാസമാദ്യം, ഹുവാങ് ഏതെങ്കിലും വിദേശ ഇന്റലിജൻസ് ഓപ്പറേഷന്റെ ഇരയായിട്ടുണ്ടോ എന്ന് പരിശോധിക്കാൻ സ്വതന്ത്ര ഡയറക്ടർമാരുടെ നേതൃത്വത്തിൽ പുറത്തുനിന്നുള്ള ലീഗൽ കൗൺസിലിന്റെ സഹായത്തോടെ എൻവിഡിയയുടെ ബോർഡ് അന്വേഷണം പ്രഖ്യാപിച്ചിരുന്നു. അതേസമയം, ബോർഡ് അദ്ദേഹത്തിൽ ആത്മവിശ്വാസം പ്രകടിപ്പിക്കുകയും ചെയ്തിരുന്നു. എന്നാൽ വൈകാതെ ആരോപണങ്ങൾ തെളിവുകളടക്കം വെളിപ്പെടുകയായിരുന്നു.

സ്ഥിരമായ ഒരു സിഇഒയെ കണ്ടെത്തുന്നതുവരെ ഫിനാൻസ് ചീഫ് കോളറ്റ് ക്രെസിനെ (Colette Kress) ആണ് എൻവിഡിയ ബോർഡ് ഇടക്കാല സിഇഒയായി നിയമിച്ചിരിക്കുന്നത്. കമ്പനിക്കകത്തുനിന്നും പുറത്തുനിന്നുമുള്ള സ്ഥാനാർഥികളെ ഈ പദവിയിലേക്ക് ബോർഡ് പരിഗണിക്കുന്നുണ്ട്. മുൻ ചീഫ് എക്‌സിക്യൂട്ടീവിനെക്കുറിച്ചുള്ള പുതിയ വിവരങ്ങൾ പുറത്തുവന്നതിന് പിന്നാലെ കമ്പനിയുടെ ഓഹരികൾ കനത്ത സമ്മർദത്തിലായ ഘട്ടത്തിലാണ് ഹുവാങ്ങിന്റെ രാജി.

വ്യാഴാഴ്ച എൻവിഡിയയുടെ ഓഹരികൾ 5.5% ഇടിഞ്ഞതായാണ് റിപ്പോർട്ടുകൾ സൂചിപ്പിക്കുന്നത്. ഒക്ടോബർ ആദ്യം രേഖപ്പെടുത്തിയ ഏറ്റവും ഉയർന്ന നിരക്കിൽ നിന്ന് ഓഹരി മൂല്യത്തിന്റെ 30 ശതമാനത്തിലധികം ഇതിനകം കുറഞ്ഞിട്ടുണ്ട്.

Content Highlights: Jensen Huang, Nvidia's co-founder and CEO, resigned following reports of his third extramarital affair, including with an Nvidia employee, amid allegations involving Alice Huang, suspected by US intelligence as a Chinese spy. Nvidia's board has launched an investigation into Huang's alleged foreign intelligence involvement, appointing Colette Kress as interim CEO, while the company faces leadership challenges and stock pressure. Nvidia's stock fell 5.5% after Huang's resignation, with a significant decline from its peak value earlier in October, as the company navigates the fallout from the scandal.