ശതകോടികൾ പൊടിഞ്ഞ യുദ്ധം, കൊല്ലപ്പെട്ടത് 4,600 US സൈനികർ; ISIS വീണ്ടും ഇറാഖിൽ തല ഉയർത്തുമോ?

നീണ്ട രണ്ട് പതിറ്റാണ്ടിനുശേഷം ഇറാഖിൽനിന്ന് യുഎസ് സേന പൂർണമായും പിന്മാറുകയാണ്. ആഗോളതലത്തിൽ വലിയ മാറ്റമുണ്ടാക്കിയ ഒരു ദീർഘകാല യുദ്ധത്തിനുശേഷം ഒട്ടേറെ സൈനികരെയും ശതകോടി ഡോളറുകളും ചെലവഴിച്ചതിനുശേഷം ഇറാഖിൽനിന്ന് അമേരിക്ക പിന്മാറുമ്പോൾ പശ്ചിമേഷ്യയിലെ സാഹചര്യങ്ങൾ വീണ്ടും സങ്കീർണമാവുകയാണ്. ഇറാഖ് അധിനിവേശത്തിലൂടെ തുടങ്ങി, പിന്നീട് ഐഎസ്‌ഐഎസിനെ തകർക്കുന്നതിലേക്ക് വരെയെത്തിയ നീണ്ടകാലത്തെ സൈനിക ദൗത്യങ്ങൾക്കുശേഷം പശ്ചിമേഷ്യ എത്രത്തോളം മാറി എന്നതും യുഎസിന്റെ പിന്മാറ്റമുയർത്താൻ പോകുന്ന പ്രത്യാഘാതങ്ങളും എന്തൊക്കെയെന്ന് നോക്കാം.

2003 മാർച്ച് 20-നാണ് 'ഓപ്പറേഷൻ ഇറാഖി ഫ്രീഡം' (Operation ഇറാഖ്i Freedom) എന്ന പേരിൽ അമേരിക്കയുടെ നേതൃത്വത്തിലുള്ള സഖ്യസേന ഇറാഖിൽ അധിനിവേശം ആരംഭിച്ചത്. ഇറാഖിന്റെ പക്കൽ കൂട്ടനാശീകരണ ആയുധങ്ങൾ ഉണ്ടെന്നും അൽ ഖ്വയ്ദ പോലുള്ള ആഗോള ഭീകരസംഘടനകളുമായി അന്നത്തെ ഇറാഖി ഭരണാധികാരി സദ്ദാം ഹുസൈന് ബന്ധമുണ്ടെന്നും ആരോപിച്ചായിരുന്നു അമേരിക്കയുടെ നേതൃത്വത്തിലുള്ള സഖ്യസേന ഇറാഖ് അധിനിവേശം ആരംഭിച്ചത്. 2003 ഏപ്രിലിൽ ബാഗ്ദാദ് സഖ്യസേന കീഴടക്കുകയും സദ്ദാം ഹുസൈന്റെ ഭരണം തകരുകയും ചെയ്‌തെങ്കിലും, കൃത്യമായ ഭരണ-സുരക്ഷാ പുനർനിർമ്മാണ പ്ലാനിംഗിന്റെ അഭാവം ഇറാഖിനെ അതിരൂക്ഷമായ ആഭ്യന്തരരയുദ്ധത്തിലേക്കും വിവിധ ഭീകരവാദ പ്രസ്ഥാനങ്ങളുടെ ഉദയത്തിലേക്കും നയിച്ചു.

Content Highlights: US withdrawal from Iraq marks the end of a 23-year military presence, reshaping geopolitical dynamics and raising questions about future regional stability.