എട്ടിൻ്റെ പണി! 9 ടെലികോം കമ്പനികൾ, പിന്നാലെ യു.എസ്. ട്രഷറിയിലും നുഴഞ്ഞുകയറി ചൈനീസ് ഹാക്കർമാർ

ചൈനയ്‌ക്കെതിരേ വീണ്ടും ഹാക്കിങ് ആരോപണവുമായി രംഗത്തെത്തിയിരിക്കുകയാണ് അമേരിക്ക. ഇത്തവണ യു.എസ്. ട്രഷറി വകുപ്പിന്റെ കംപ്യൂട്ടര്‍ സംവിധാനങ്ങളില്‍ ചൈനീസ് ഹാക്കര്‍മാര്‍ നുഴഞ്ഞുകയറിയെന്നാണ് അമേരിക്കയുടെ ആരോപണം. പ്രധാനപ്പെട്ട രേഖകളൊന്നും ഹാക്കര്‍മാര്‍ക്ക് ചോര്‍ത്താനായിട്ടില്ലെങ്കിലും രഹസ്യസ്വഭാവമില്ലാത്ത പല രേഖകളും ഹാക്കര്‍മാര്‍ക്ക് കിട്ടിയെന്നാണ് അമേരിക്ക പറയുന്നത്. 

ട്രഷറി വകുപ്പ് കോണ്‍ഗ്രസ് അംഗങ്ങള്‍ക്ക് അയച്ച കത്തിലാണ് ഏറ്റവും പുതിയ ഹാക്കിങ്ങിനെ സംബന്ധിച്ച് വെളിപ്പെടുത്തലുള്ളത്. സംഭവത്തില്‍ എഫ്.ബി.ഐ. അടക്കമുള്ള ഏജന്‍സികള്‍ അന്വേഷണം നടത്തിവരികയാണെന്നും ട്രഷറി വകുപ്പ് പറയുന്നു. അതേസമയം, യു.എസിന്റെ ഹാക്കിങ് ആരോപണം ചൈന അപ്പാടെ നിഷേധിച്ചു. തെളിവുകളുടെ അടിസ്ഥാനമില്ലാതെ വെറും കെട്ടുകഥകളാണ് അമേരിക്ക ഉന്നയിക്കുന്നതെന്നായിരുന്നു ചൈനയുടെ പ്രതികരണം. 

Content Highlights: The US accuses Chinese hackers of breaching the Treasury Department`s computer systems.