സൗദിയെ രക്ഷിക്കാൻ പാകിസ്താനും തുർക്കിയുമില്ല; കരാർ ഒപ്പിട്ടതിനു പിന്നാലെ ഹൂത്തി ആക്രമണവും

തങ്ങളിൽ ഒരു രാജ്യത്തിനെതിരെയുള്ള ആക്രമണം മൂവർക്കുമെതിരായ ആക്രമണമായി കണക്കാക്കുമെന്ന് പ്രഖ്യാപിക്കുന്ന പ്രതിരോധ കരാർ സൗദി അറേബ്യയും തുർക്കിയും പാകിസ്താനും ചേർന്ന് മക്കയിൽ ഒപ്പുവെച്ചത് 2026 ഓഗസ്റ്റ് ഏഴിനാണ്. അതിലെ മഷി ഉണങ്ങും മുൻപുതന്നെ ഇറാന്റെ പിന്തുണയുള്ള യെമനിലെ ഹൂത്തികൾ സൗദിയിലെ അരാംകോ എണ്ണ ശുദ്ധീകരണശാല ആക്രമിച്ചു. സൗദി പിന്തുണയുള്ള യെമൻ സർക്കാരിന്റെ ചെങ്കടലിലെ തുറമുഖമായ അൽ മോഖയിൽ ആഗസ്ത് ഒമ്പതിന് മിസൈലും ഡ്രോണുകളും ഉപയോഗിച്ച് ഹൂത്തികൾ നടത്തിയ കനത്ത ആക്രമണത്തിൽ ഏഴു പേർ കൊല്ലപ്പെടുകയും പതിനഞ്ചു പേർക്ക് പരിക്കേൽക്കുകയും ചെയ്തു. സൗദിയെ രക്ഷിക്കാൻ തുർക്കിയും വന്നില്ല, പാകിസ്താനും വന്നില്ല!

ഈ സഖ്യത്തിന് സൗദി അറേബ്യയെ പ്രേരിപ്പിച്ച മുഖ്യകാരണം ഇപ്പോൾ നടന്നുകൊണ്ടിരിക്കുന്ന ഇറാൻ യുദ്ധമാണെന്നും അതിന്റെ മുഖ്യലക്ഷ്യം ഇറാനുമാണെന്നു വ്യക്തമാണ്. പക്ഷേ, ഇതുവരെ ഇറാൻ കരാറിനെക്കുറിച്ച് ഔദ്യോഗിക പ്രസ്താവനയൊന്നും പുറപ്പെടുവിച്ചിട്ടില്ല. 'പശ്ചിമേഷ്യയിലും പേർഷ്യൻ ഉൾക്കടലിലും നിലനിൽക്കുന്ന യുഎസ് സുരക്ഷാ ആധിപത്യത്തിന്റെ തകർച്ചയുടെ തുടക്കമായാണ്്' കരാറിനെ കാണുന്നതെന്ന് പാർലമെന്ററി, നിയമകാര്യ ഡയറക്ടർ ജനറലായ ഹുസൈൻ നൗഷാബാദി, സർക്കാർ നിയന്ത്രിത വാർത്താ ഏജൻസി ഐഎസ്എൻഎയോട് പറഞ്ഞു. സഖ്യത്തിന്റെ പ്രധാനലക്ഷ്യം ഇന്ത്യയെയും ഇസ്രയേലിനെയും 'പാഠം പഠിപ്പിക്കുക'യാണെന്ന് പാകിസ്താന്റെ പ്രതിരോധമന്ത്രി ഖ്വാജ ആസിഫ് വീമ്പിളക്കിയിരുന്നു. അതും നിലവിലെ സാഹചര്യത്തിൽ തികച്ചും അസംഭാവ്യമാണ്.

Content Highlights: Saudi Arabia, Turkey, and Pakistan signed a mutual defense pact in Mecca in August 2026., Houthi forces launched missile and drone attacks on Saudi Aramco and Al Mokha port shortly after the signing., The pact fails to provide immediate security or deter Iran and its proxy forces, highlighting limitations in regional alliances., India maintains a strategic and cautious approach through defense partnerships with Greece, Cyprus, and the UAE in 2026.