പാതിരാവിലും നിർത്താതെ പറന്ന്, കിതച്ച്... എന്താണ് ഇൻഡിഗോയ്ക്ക് സംഭവിച്ചത് ?

ഇന്ത്യൻ ആഭ്യന്തര വ്യോമയാനരംഗത്ത് ഏതാണ്ട് 65 ശതമാനവും കൈയിലുള്ള രാജ്യത്തെ ഏറ്റവും വലിയ വിമാനക്കമ്പനിയാണ് ഇൻഡിഗോ. വിമാനക്കമ്പനികൾ ഓരോന്ന് ഇല്ലാതാവുമ്പോഴും തിരിഞ്ഞു നോക്കാതെ മുകളിലേക്ക് വളർന്ന, ഫ്ളീറ്റ് മാനേജ്മെന്റിന്റെ ഉത്തമ മാതൃക. വിമാനങ്ങൾ താഴെ ഇറക്കേണ്ടി വന്നപ്പോഴും ഡിജിസിഎ കൈത്താങ്ങുമായി പലതവണ വന്നത് ആ കമ്പനിക്ക് വ്യോമയാന മേഖലയിലുള്ള പ്രാധാന്യം കൊണ്ടാണ്. എന്തുകൊണ്ടാണ് ഇൻഡിഗോ മാത്രം ഇത്ര വലിയ പ്രതിസന്ധിയിൽ വീണുപോയത്. സിവിൽ ഏവിയേഷൻ മേഖലയിൽ ലോകോത്തര മാതൃകയായി ചൂണ്ടിക്കാണിക്കപ്പെട്ട ഇൻഡിഗോ എന്തുകൊണ്ടാണ് പുതിയ ചട്ടങ്ങൾ വന്നപ്പോൾ ഇത്ര വലിയ പ്രതിസന്ധിയിൽ ചെന്നുപെട്ടത്?.

പൈലറ്റുമാരുടെ ജോലി സമയത്തിൽ വരുത്തിയ മാറ്റം ഉടൻ നടപ്പിലാക്കണമെന്ന ഉത്തരവ് പാലിക്കാൻ നിർബന്ധിതരായതാണ് പെട്ടെന്നുണ്ടായ കാരണം. സമയമേറെ ഉണ്ടായിരുന്നിട്ടും ആവശ്യത്തിന് പൈലറ്റുമാരെ നിയമിക്കാൻ ശ്രമിച്ചില്ല എന്നാണ് പൈലറ്റുമാരുടെ സംഘടനകളുടെ ആരോപണം. ഏറ്റവും കുടുതലുള്ള എയർബസ് 320 ഫാമിലിയിൽ പെട്ട വിമാനങ്ങൾക്ക് പെട്ടെന്ന് വന്ന സോഫ്റ്റ്​വെയർ അപ്ഡേറ്റാണ് മറ്റൊരു കാരണം. എന്തായിരുന്നോ ഉപയോക്താക്കൾ എല്ലാവരും അടുത്ത ദിവസം വരെ ഇൻഡിഗോയെ പുകഴ്ത്താൻ കാരണം, അതു തന്നെയാണ് അവർക്ക് ഇപ്പോൾ തിരിച്ചടിയായിരിക്കുന്നത്.

Content Highlights: IndiGo, the largest domestic airline in India, experienced severe operational disruption and the cancellation of over 30% of its flights due to the mandatory, early implementation of strict new Flight Duty Time Limitations (FDTL) rules—which restricted pilot night duties and increased rest requirements—compounded by the urgent grounding of half its Airbus A320 fleet for a software update, though the DGCA temporarily relaxed some restrictions until February 10