സുവേന്ദു എക്‌സ്പ്രസ് ഓടിത്തുടങ്ങി; യോഗി മാതൃക ബംഗാളിന് പറ്റുമോ?

ബംഗാൾ മുഖ്യമന്ത്രിയായി സുവേന്ദു അധികാരി അധികാരമേറ്റിട്ട് രണ്ടാഴ്ചയായിട്ടില്ല. അതിനുള്ളിൽ വലിയ തോതിലുള്ള ഉടച്ചുവാർക്കലിനാണ് ബംഗാൾ സാക്ഷ്യം വഹിക്കുന്നത്. മുൻ മുഖ്യമന്ത്രി മമതാ ബാനർജി പതിനഞ്ച് വർഷം നയിച്ച ഭരണകൂടത്തിന്റെ രീതികളിൽ നിന്നുള്ള പ്രതീകാത്മകമായ വിച്ഛേദനവും സ്ഥാപനങ്ങളുടെ ആഴത്തിലുള്ള പൊളിച്ചെഴുത്തും തത്സമയം നടക്കുകയാണ്. ഉത്തർപ്രദേശിൽ മുഖ്യമന്ത്രി യോഗി ആദിത്യനാഥ് ആദ്യത്തെ നൂറുദിവസം കൈക്കൊണ്ട അതിവേഗ നടപടികൾ രാജ്യത്തെ മറ്റു ബിജെപി സർക്കാരുകൾക്ക് മാതൃകയായെങ്കിൽ, ബംഗാൾ ഈ ചുരുങ്ങിയ ദിവസങ്ങൾ കൊണ്ട് അതിനൊപ്പമോ, അതിനെക്കാൾ മുകളിലോ എത്തിയെന്ന് നിരീക്ഷകർ പറയുന്നു.

'ഭായിപോ ടാക്സ് (അനന്തരവൻ ചുങ്കം),' 'ദണ്ഡാ ടാക്സ്' എന്നൊക്കെ അറിയപ്പെട്ടിരുന്ന അനധികൃത പിരിവുകൾ എടുത്തുകളഞ്ഞു. മമതയുടെ അനന്തരവനും ടിഎംസി സർക്കാരിലെ അതിശക്തമായ അധികാരകേന്ദ്രവുമായിരുന്ന അഭിഷേക് ബാനർജിയുടെ കെട്ടിടങ്ങൾ പൊളിച്ചു കളയാൻ നോട്ടീസ് നൽകി. ബംഗ്ലാദേശ് അതിർത്തിയിൽ വേലി കെട്ടാൻ ബിഎസ്എഫിന് മമത വിട്ടുകൊടുക്കാതിരുന്ന സിലിഗുരി ഇടനാഴിയിലെ (ചിക്കൻ നെക്ക്) ഭൂമി ഒരാഴ്ചക്കുള്ളിൽ കൈമാറിത്തുടങ്ങി. തിരഞ്ഞെടുപ്പു കമ്മീഷൻ നിയോഗിച്ച അജയ്പാൽ സിംഗ് എന്ന ഐപിഎസ് 'സിംഗ'ത്തിനു മുന്നിൽ തല കുനിക്കില്ലെന്ന്  'പുഷ്പ'യെ അനുകരിച്ച് വീമ്പു പറഞ്ഞിരുന്ന ഭായിപോ കൂട്ടാളി ജഹാംഗീർ ഖാൻ മുങ്ങി. വീണ്ടും തിരഞ്ഞെടുപ്പ് നടക്കുന്ന ഫാൽത്തയിൽ മത്സരിക്കാൻ ഖാന് താത്പര്യമില്ലത്രേ.. 

Content Highlights: Abolition of 'Bhaipo Tax' and illegal 'Danda Tax' on transport., Strategic land transfer in Siliguri Corridor to BSF for national security., Strict enforcement against illegal encroachments and building violations., Policy shifts regarding OBC quotas and public religious observances., Transition from Mamata Banerjee's 15-year governance model to a new administrative framework.