പാകിസ്താന്റെ കശ്മീർസ്നേഹം ശുദ്ധ തട്ടിപ്പ്; പിഒകെയിൽ ആസാദി മുഴങ്ങുന്നു, ഇന്ത്യ സഹായിക്കണമെന്ന് ജനം

'ഹം ക്യാ ചാഹ്തേ? ആസാദി!
ഛീൻ കേ ലേംഗേ? ആസാദി!
ലഡ് കേ ലേംഗേ? ആസാദി!'
കുറച്ചുകാലം മുമ്പ് കശ്മീർ താഴ്വരയിലും ഇന്ത്യൻ സർവ്വകലാശാല കാമ്പസുകളിലും സർക്കാർവിരുദ്ധ പ്രതിഷേധങ്ങളുടെ പശ്ചാത്തലത്തിൽ അലയടിച്ചിരുന്ന താളാത്മകമായ ആ മുദ്രാവാക്യം ഇപ്പോൾ പ്രതിധ്വനിക്കുന്നത് പാക്കധീന കാശ്മീരിലെ തെരുവുകളിലാണ്. പാക്ഭരണത്തിനെതിരായ പ്രതിഷേധം ഒരു അധിനിവേശ രാജ്യത്തിനെതിരെയെന്നോണം ശക്തവും വികാരതീവ്രവുമാണവിടെ. പതിനായിരങ്ങളാണ് നിത്യേനയുള്ള സമരങ്ങളിൽ പങ്കെടുക്കുന്നത്.

പ്രതിഷേധം പരിധിവിട്ടിട്ടും അടിച്ചമർത്തൽ മാർഗമാണ് പാക് സർക്കാർ പയറ്റുന്നത്. ജമ്മു കാശ്മീർ ജോയിന്റ് അവാമി ആക്ഷൻ കമ്മിറ്റിയെ (ജെഎഎസി) നിരോധിത സംഘടനയായി പ്രഖ്യാപിച്ചു, പാരാമിലിട്ടറി സേനയെ വിന്യസിച്ചു, ഇന്റർനെറ്റും ആശയവിനിമയ സൗകര്യങ്ങളും വിച്ഛേദിച്ചു, സമര നേതാക്കളെ രാജ്യദ്രോഹക്കുറ്റം ചുമത്തി അകത്തിട്ടു. അടിച്ചമർത്തലിന്റെ ആദ്യഘട്ടത്തിൽ 1,460-ലധികം ആളുകളെ തടവിലാക്കുകയോ അറസ്റ്റ് ചെയ്യുകയോ 'കാണാതാക്കുക'യോ ചെയ്തു. നിരായുധരായ, പിന്തിരിഞ്ഞോടുന്ന സമരക്കാരെ പാരാമിലിട്ടറി സേന വെടിവച്ചുവീഴ്ത്തുന്ന ദൃശ്യങ്ങൾ ലോകത്തെ ഞെട്ടിച്ചു. സംഘർഷം ഒരു മാസം പിന്നിട്ടപ്പോൾ, സാധാരണക്കാരുടെ മരണം അറുപതോളമാണ്. ജൂൺ രണ്ടാംവാരം മാത്രം മുപ്പത്തിരണ്ടിലധികം സാധാരണക്കാർ മരിച്ചതായി ഒരു മനുഷ്യാവകാശ സംഘടന പറയുന്നു.

Content Highlights: Massive public protests in POK against Pakistani military oppression., Locals explicitly stating POK is not part of Pakistan., Economic blockade and human rights violations by the Pakistani government., Sardar Aman Khan calling for Indian intervention and support., Shift from religious rhetoric to Kashmiri identity and economic rights., Growing concerns over CPEC projects and Chinese influence in the region.