ഇനി ഇതുവഴി വേണ്ട; റഷ്യയുമായുള്ള ഗ്യാസ് ട്രാൻസിറ്റ് കരാർ യുക്രൈൻ അവസാനിപ്പിക്കുമ്പോൾ

യുക്രൈനിലൂടെ കടന്നുപോകുന്ന പൈപ്പ് ലൈനുകളിലൂടെ റഷ്യ, യൂറോപ്യന്‍ രാജ്യങ്ങളിലേക്ക് നടത്തിയിരുന്ന വാതക കയറ്റുമതിക്ക് 2025 ജനുവരി ഒന്നാം തീയതിയോടെ അവസാനമായിരിക്കുകയാണ്. യുക്രൈന്‍-റഷ്യ ഗ്യാസ് ട്രാന്‍സിറ്റ് കരാറിന്റെ കാലാവധി പൂര്‍ത്തിയാവുകയും ദേശീയ സുരക്ഷ മുന്‍നിര്‍ത്തി, കരാര്‍ പുതുക്കാന്‍ താല്‍പര്യമില്ലെന്ന് യുക്രൈന്‍ നിലപാട് വ്യക്തമാക്കുകയും ചെയ്തതോടെയാണ് ഇത്. ഇതോടെ കാലങ്ങളായി യൂറോപ്യന്‍ ഊര്‍ജവിപണിയില്‍ റഷ്യയ്ക്കുണ്ടായിരുന്ന മേല്‍ക്കോയ്മയ്ക്കും അവസാനമാവുകയാണ്. പതിറ്റാണ്ടുകളായി ഈ പൈപ്പ്‌ലൈനുകളിലൂടെയാണ് യൂറോപ്യന്‍ രാജ്യങ്ങളിലേക്കുള്ള റഷ്യയുടെ ഗ്യാസ് കയറ്റുമതി നടന്നിരുന്നത്. ഇരുരാജ്യങ്ങളും തമ്മില്‍ യുദ്ധം നടക്കുന്ന പശ്ചാത്തലത്തില്‍ യുക്രൈന്റെ നീക്കത്തെ അപ്രതീക്ഷിതമെന്ന് പറയാനാകില്ല. 2014-ല്‍ ആരംഭിച്ച റഷ്യ-യുക്രൈന്‍ സംഘര്‍ഷം 2022 ഫെബ്രുവരി ഇരുപത്തിനാലാം തീയതിയോടെയാണ് യുദ്ധത്തിലേക്കും രക്തച്ചൊരിച്ചിലിലേക്കും കടക്കുന്നത്. ആ സമയത്തും യുക്രൈനിലൂടെയുള്ള പൈപ്പ് ലൈനിലൂടെ റഷ്യന്‍ ഗ്യാസ്, തങ്ങളുടെ യൂറോപ്യന്‍ ഉപഭോക്താക്കള്‍ക്കായി കടന്നുപോയിരുന്നു. ഒടുവില്‍ കരാര്‍ കാലാവധി അവസാനിക്കുന്ന വേളയിലാണ് ഇനി പുതുക്കേണ്ടതില്ലെന്ന നിലപാട് കീവ് കൈക്കൊള്ളുന്നത് എന്നതും ശ്രദ്ധേയമാണ്. 

വിപണി നഷ്ടപ്പെട്ട റഷ്യ, ലാഭം യു.എസിന്

Content Highlights: no more russian gas transport via ukraine transit agreement expired