കണ്ണടയ്ക്കാൻ പേടിയാണ്, ഉറക്കം ഗുളിക കഴിച്ച്, അതല്ലെ വയനാട് അനുഭവിക്കുന്നത്; പെട്ടിമുടിക്കാർ പറയുന്നു

'എൻ പുള്ളൈകളെ..എൻ പിറപ്പെ.. അന്ത മണ്ണുക്കു കീഴെ നാൻ പെറ്റ എൻ പുള്ളൈകൾ കണ്ടിപ്പാ ഇരുക്ക് സാർ, എപ്പടിയാവത് എനക്കവരെ തിരികെ കൊടുക്ക മുടിയുമാ'..
നാലു വർഷം മുമ്പ് ദുരിതമാരി തോരാക്കണ്ണീരൊഴുക്കിയ ഒരു വെള്ളിയാഴ്ച പെട്ടിമുടിയുടെ മാറുതുളച്ച് കറുപ്പായിയുടെ കരച്ചിലുയർന്നു. ഉരുളെടുത്ത പെട്ടിമുടിയിൽ അവശേഷിച്ച ചുരുക്കം ചില ജീവനുകളിലൊന്നായിരുന്നു കറുപ്പായിയുടേത്. 70 പേരുടെ ജീവൻ കവർന്ന പെട്ടിമുട്ടി ദുരന്തം നടന്ന ഓഗസ്റ്റ് ആറിന് നാല് വർഷമാകും. ഉള്ളുകലക്കിയ ആ ദുരന്തത്തിൻ്റെ മുറിവുണങ്ങും മുൻപാണ് മലനാടിൻ്റെ ചങ്കുകീറിയ മറ്റൊരു ദുരന്തവും. 

വയനാടിനെ ഹൃദയത്തോട് ചേർത്തുവെയ്ക്കുകയാണ് പെട്ടിമുടിയിലുള്ളവർ. ആ മനുഷ്യർ അനുഭവിച്ച ദുരിതം തങ്ങളോളം ആർക്കാണ് മനസ്സിലാവുക എന്ന് ചോദിക്കുകയാണവർ. ഓർമകളുടെ കുത്തൊഴുക്കിലും അവർ വയനാടിനു വേണ്ടി കണ്ണീരൊഴുക്കുന്നു, പ്രാർഥനയിൽ ചേർത്തുനിർത്തുന്നു. നാലുവർഷങ്ങൾക്ക് മുൻപ് തങ്ങൾ വലിച്ചെറിയപ്പെട്ട കദനങ്ങളിലേക്കുള്ള തിരിച്ചുപോക്കായിരുന്നു അവർക്കത്. ഉള്ളുരുക്കിയ ആ ദുരിതകാലം ഓർത്തെടുക്കുകയാണ് പെട്ടിമുടിയിലെ മനുഷ്യർ. 

Content Highlights: pettimudi land slide survivors commemorates their agony in the wake of wayanad landslide