ആദ്യം പ്രഭാകരന്‍, ഇപ്പോള്‍ ദ്വാരക, ഞെട്ടിച്ച് ഒരു വീഡിയോ; ലങ്കയുടെ പുതിയ പുലിപ്പേടിയിൽ കഴമ്പുണ്ടോ?

ദ്വാരകയുടേത് എന്ന പേരില്‍ പ്രചരിച്ച വീഡിയോയില്‍ നിന്ന് / പ്രഭാകരനും ഭാര്യ മതിവതനിയും മക്കള്‍ക്കൊപ്പം  | Photo: AFP
ദ്വാരകയുടേത് എന്ന പേരില്‍ പ്രചരിച്ച വീഡിയോയില്‍ നിന്ന് / പ്രഭാകരനും ഭാര്യ മതിവതനിയും മക്കള്‍ക്കൊപ്പം | Photo: AFP

രക്തസാക്ഷികളായ തമിഴ് പുലികളെ ശ്രീലങ്കന്‍ തമിഴര്‍ അനുസ്മരിക്കുന്ന മാവീരര്‍ നാളിലാണ് ആ വീഡിയോ പുറത്തുവന്നത്. ലിബറേഷന്‍ ടൈഗേഴ്സ് ഓഫ് തമിഴ് ഈഴത്തിന്റെ (എല്‍.ടി.ടി.ഇ.) സ്ഥാപകനും തലവനുമായിരുന്ന വേലുപ്പിള്ള പ്രഭാകരന്റെ മകള്‍ ദ്വാരക എന്നാണ് വീഡിയോയില്‍ സ്ത്രീ അവകാശപ്പെട്ടത്. നിരവധി പ്രതിസന്ധികള്‍ തരണം ചെയ്താണ് ഇവിടെയുള്ളതെന്നും ഒരു ദിവസം, ഈഴം സന്ദര്‍ശിച്ച് തന്റെ ജനങ്ങളെ സേവിക്കുമെന്നും സാരി ധരിച്ച് വീഡിയോയില്‍ പ്രത്യക്ഷപ്പെട്ട സ്ത്രീ പറഞ്ഞു. എല്‍.ടി.ടി.ഇയെ നേരിട്ട് നേരിടാന്‍ കഴിയാതെ വന്നപ്പോഴാണ്  ലങ്കന്‍ സര്‍ക്കാര്‍ മറ്റ് രാജ്യങ്ങളുടെ പിന്തുണ തേടിയെന്നും 12 മിനിറ്റ് ദൈര്‍ഘ്യമുള്ള തന്റെ പ്രസംഗത്തില്‍ യുവതി പറഞ്ഞു. രാഷ്ട്രീയ ആവശ്യങ്ങള്‍ക്കായി നാനാത്വത്തില്‍ ഏകത്വത്തിന് ഊന്നല്‍ നല്‍കി എല്‍.ടി.ടി.ഇയുടെ സ്വാതന്ത്ര്യത്തിനായുള്ള പോരാട്ടം തുടരുമെന്നും തമിഴിൽ അവര്‍ പ്രഖ്യാപിച്ചു.

ശ്രീലങ്കയിലെ പാര്‍ശ്വവല്‍ക്കരിക്കപ്പെട്ട തമിഴരെ പരിഗണിക്കണമെന്ന് വിദേശത്ത് താമസിക്കുന്ന തമിഴ് വംശജരെ യുവതി ഓര്‍മിപ്പിച്ചു. പ്രത്യേക തമിഴ് രാഷ്ട്രവും സ്വയംഭരണവും വരുമെന്ന് പ്രത്യാശ പ്രകടിപ്പിച്ച യുവതി, തമിഴ് സമരം സിംഹള ജനതയ്ക്കെതിരെയല്ലെന്നും നിരപരാധികളെ കൈയേറ്റം ചെയ്ത സര്‍ക്കാരിനും അഴിമതിക്കാരായ രാഷ്ട്രീയക്കാര്‍ക്കുമെതിരെയാണെന്നും വ്യക്തമാക്കി. ആഭ്യന്തര യുദ്ധത്തിന്റെ അവസാന നാളുകളില്‍ പ്രഭാകരനും കുടുംബവും മരിച്ചതായി ശ്രീലങ്കന്‍ സൈന്യം പ്രഖ്യാപിച്ച് ഏകദേശം 14 വര്‍ഷങ്ങള്‍ക്ക് ശേഷമാണ് പ്രഭാകരന്റെ മകളുടേത് എന്ന പേരില്‍ വീഡിയോ സമൂഹമാധ്യമങ്ങളില്‍ പ്രത്യക്ഷപ്പെട്ടത്. സത്യത്തില്‍ ആ വീഡിയോയില്‍ പ്രത്യക്ഷപ്പെട്ടത് ദ്വാരക പ്രഭാകരന്‍ തന്നെയെയാണോ? യുദ്ധത്തില്‍ കൊല്ലപ്പെട്ടു എന്ന് ശ്രീലങ്കന്‍ സര്‍ക്കാര്‍ പറയുന്ന ദ്വാരകയുടെ വീഡിയോ ഇപ്പോള്‍ പുറത്തുവന്നതിന് പിന്നിലെന്ത്? കൃത്രിമമായി സൃഷ്ടിച്ചതാണെങ്കില്‍ ആരാണിതിന് പിന്നില്‍, അതല്ല ശ്രീലങ്കന്‍ തമിഴര്‍ പറയും പോലെ ദ്വാരക തന്നെയാണോ അത് ?

Content Highlights: Is Velupillai Prabhakaran's daughter Duwaraka Prabhakaran alive?

Continue reading