മരണശേഷം അവസാനിക്കുന്നതാണോ സ്വത്തിലുള്ള അവകാശം? 'അമേരിക്കന്‍ മോഡല്‍ ' ഇന്ത്യയിൽ പ്രായോഗികമോ?
സമ്പത്ത് പുനര്‍വിതരണവും സാമ്പത്തിക സര്‍വെയും സംബന്ധിച്ച കോണ്‍ഗ്രസ് പ്രകടനപത്രികയിലെ പരാമര്‍ശം വലിയ ചർച്ചയാണ് ഇത്തവണത്തെ പൊതുതിരഞ്ഞെടുപ്പിൽ. വർഗീയ പ്രസംഗത്തിന് വഴിവെച്ചെങ്കിലും പ്രധാനമന്ത്രി നരേന്ദ്രമോദി കോണ്‍ഗ്രസിന്റെ ചിറകരിയാൻ ഉപയോഗിച്ച പ്രധാന ആയുധങ്ങളിൽ ഒന്നായിരുന്നു ഇത്. ഇതിനിടയിൽ കോണ്‍ഗ്രസ് ഓവര്‍സീസ് ചെയര്‍മാന്‍ സാം പിത്രോദയുടെ 'അമേരിക്കന്‍ മോഡല്‍ സ്വത്തുവിഭജനം' ബി.ജെ.പി.ക്ക് വീണുകിട്ടുകയും ചെയ്തു.
'അമേരിക്കയില്‍ നൂറ് മില്യണ്‍ ഡോളര്‍ ആസ്തിയുള്ള ഒരു വ്യക്തി മരണപ്പെട്ടാല്‍ 45 ശതമാനം മാത്രമാകും അനന്തരാവകാശികള്‍ക്ക് ലഭിക്കുക. 55 ശതമാനം സമ്പത്ത് സര്‍ക്കാരിലേക്ക് പോകും. അത് പിന്നീട് ക്ഷേമ പദ്ധതികള്‍ക്കായി വിനിയോഗിക്കും. സര്‍ക്കാര്‍ സാമ്പത്തികമായി ശാക്തീകരിക്കപ്പെടുന്ന, സമ്പത്തില്‍ ഒരു പങ്ക് പൊതുജനങ്ങള്‍ക്കു നല്‍കുന്ന ഈ നിയമം ന്യായമായ കാര്യമാണെന്നാണ് എന്റെ അഭിപ്രായം. ഇന്ത്യയില്‍ അത്തരത്തിലുള്ള ഒരു നിയമമില്ല. പത്തു ദശലക്ഷം ആസ്തിയുള്ള ഒരാള്‍ മരിച്ചാല്‍ അദ്ദേഹത്തിന്റെ മക്കള്‍ക്കാണ് മുഴുവന്‍ സമ്പത്തും ലഭിക്കുക. സമ്പത്തിന്റെ പുനര്‍വിതരണത്തെ കുറിച്ച് ചര്‍ച്ച ചെയ്യുമ്പോള്‍ നമുക്ക് പുതിയ നയങ്ങളെ കുറിച്ചും പദ്ധതികളെ കുറിച്ചും സംസാരിക്കേണ്ടിവരും. അവ അതിസമ്പന്നരുടേയല്ല, ജനങ്ങളുടെ താത്പര്യത്തെ മുന്‍നിര്‍ത്തിയുള്ളതായിരിക്കും.' - ഇതായിരുന്നു സാം പിത്രോദയുടെ പരാമര്‍ശം.
Content Highlights: what is inheritance tax quoted by sam pitroda india has abolished it in 1985