ജന്തർ മന്തറിൽനിന്ന് ചെങ്കോട്ടയിലേക്ക്; ദിമാഗി നക്സലും മോദിയുടെ കടന്നാക്രമണവും

പാർലമെന്റിന്റെ മൺസൂൺ സമ്മേളനത്തിനു മുമ്പ് വലിയ ആത്മവിശ്വാസത്തിലായിരുന്നു കേന്ദ്രസർക്കാരും ബിജെപിയും. പ്രഖ്യാപിത ലക്ഷ്യങ്ങളായ വിദേശസംഭാവന നിയന്ത്രണ നിയമം (എഫ്സിആർഎ) കർശനമാക്കാനുള്ള ഭേദഗതി, ഒരിക്കൽ പരാജയപ്പെട്ട മണ്ഡല പുനർനിർണയ നിയമം (ഡീലിമിറ്റേഷൻ) എന്നിവ പാസാക്കിയെടുക്കാനുള്ള തീവ്രയത്നത്തിലായിരുന്നു ആഭ്യന്തരമന്ത്രി അമിത് ഷായുടെ നേതൃത്വത്തിലുള്ള സംഘം. തൃണമൂൽ കോൺഗ്രസ്, ഉദ്ധവ് താക്കറെയുടെ ശിവസേന എന്നിവ പിളർന്നു, ശരദ് പവാറിന്റെ എൻസിപിയുടെ പിന്തുണ മിക്കവാറും ഉറപ്പായി. ഇരുസഭകളിലും എൻഡിഎ മൂന്നിൽ രണ്ടു ഭൂരിപക്ഷത്തിന് തൊട്ടടുത്തെത്തുകയും ചെയ്തു. നേരത്തേ തന്നെ, ആപ്പിന്റെ ഏഴ് എംപിമാർ രാഘവ് ഛദ്ദയുടെ നേതൃത്തിൽ ബിജെപിയിൽ ചേർന്നിരുന്നു.

പക്ഷേ, 2026 ജൂലായ് 20-ന് സമ്മേളനം ആരംഭിച്ചപ്പോഴേക്കും കളി മാറി. ഒരുമാസം മുമ്പ് ജന്തർ മന്തറിൽ കോക്രോച്ച് ജനത പാർട്ടി നീറ്റ് പരീക്ഷയിലെ ക്രമക്കേടിനെതിരെ തുടങ്ങിവെച്ച പ്രക്ഷോഭമാണ് കാരണം. പിന്തുണയുമായി ലഡാക്കിലെ പരിസ്ഥിതി പ്രവർത്തകനായ സോനം വാങ്ചുക്ക് ജൂൺ 28-ന് നിരാഹാരം തുടങ്ങിയത് ദുർബലമായി ആരംഭിച്ച സമരത്തിന് ജീവൻ പകർന്നു. യുവജനതയുടെ ശ്രദ്ധയും പിന്തുണയും പിടിച്ചുപറ്റിയ പ്രക്ഷോഭം അതിവേഗം ശക്തിയാർജിച്ചു. അടിത്തട്ടിൽ രൂപപ്പെട്ട കൊടുങ്കാറ്റിനെ തിരിച്ചറിയാനും ശരിയായി തിരിച്ചറിയാനും ഉചിതമായ സമയത്ത് കൈകാര്യം ചെയ്യാനും ബിജെപിയുടെ ബുദ്ധികേന്ദ്രങ്ങൾക്ക് കഴിഞ്ഞില്ല.

Content Highlights: Centre faced major setbacks during the 2026 Monsoon Session due to youth protests over NEET and the resignation of Union Minister Dharmendra Pradhan., Prime Minister Narendra Modi countered the political pressure during his Independence Day speech by introducing the 'Dimagi Naxal' (Naxal mindset) narrative., Opposition leaders like P Chidambaram and Arvind Kejriwal reacted strongly to the term, while the BJP defended it by targeting sympathizers of separatist ideologies., The analysis explores Modi's strategic shift from defensive vulnerability to aggressive ideological counter-offensive ahead of upcoming state elections and the BRICS summit.