ജെൻ സീ, രാജഭരണം, ഹിന്ദുരാഷ്ട്രം...! കുഴഞ്ഞുമറിഞ്ഞ് നേപ്പാൾ; എന്താകും ഭാവി?

നേപ്പാൾ സർക്കാരിനുനേരേ ‘ജെൻ സീ വിപ്ലവം’! ഫെയ്‌സ്ബുക്ക്, വാട്‌സാപ്പ്, ഇൻസ്റ്റഗ്രാം എന്നിവയുൾപ്പെടെ സാമൂഹികമാധ്യമങ്ങൾ നിരോധിച്ച സർക്കാർ യുവജനപക്ഷോഭത്തിന്റെ ചൂടറ‍ിഞ്ഞു. നിരോധനമില്ലാതിരുന്ന സാമൂഹികമാധ്യമങ്ങളെ കൂട്ടുപിടിച്ച് യുവാക്കൾ പ്രതിഷേധത്തിന് ആഹ്വാനം ചെയ്തു. യുവാക്കൾ തെരുവിലിറങ്ങിയതോടെ സാമൂഹികമാധ്യമങ്ങള്‍ നിരോധിച്ച ഉത്തരവ് പിന്‍വലിച്ചു. പക്ഷേ പ്രക്ഷോഭം അവസാനിച്ചില്ല. ഒടുവിൽ പ്രധാനമന്ത്രി കെ.പി. ശര്‍മ ഒലിക്ക് രാജി വെച്ച് ഒഴിയേണ്ടിവന്നു. നേപ്പാളിലെ പുതിയ സാമൂഹികമാധ്യമ നിയമങ്ങള്‍ പ്രകാരം രജിസ്റ്റര്‍ ചെയ്യുന്നതില്‍ പരാജയപ്പെട്ടുവെന്ന് ചൂണ്ടിക്കാട്ടി 26 പ്രമുഖ സാമൂഹികമാധ്യമങ്ങൾ നിരോധിക്കാൻ സര്‍ക്കാര്‍ നീങ്ങിയതോടെയാണ് പ്രതിസന്ധി ഉടലെടുത്തത്. രജിസ്റ്റര്‍ ചെയ്യാന്‍ ഏഴുദിവസത്തെ സമയം അനുവദിച്ചെങ്കിലും കമ്പനികള്‍ അത് പ്രയോജനപ്പെടുത്തിയില്ല. പിന്നാലെയാണ് നിരോധനം നിലവില്‍ വന്നത്. പ്രക്ഷോഭം രൂക്ഷമായതോടെ അടിയന്തര മന്ത്രിസഭായോഗം വിളിച്ചുചേർത്ത സർക്കാർ ​തിങ്കളാഴ്ച രാത്രി വൈകി നിരോധനം പിൻവലിച്ചു. അതൊന്നും പ്രതിഷേധക്കാരെ ശാന്തരാക്കിയില്ല. എന്തുകൊണ്ടാണ് നേപ്പാളി യുവത്വം തെരുവിലിറങ്ങിയത്? എന്തായിരുന്നു നേപ്പാളിലെ സാമൂഹികമാധ്യമ നിരോധനത്തിന്റെ പശ്ചാത്തലം? എന്താണ് നേപ്പാളിൽ സംഭവിക്കുന്നത്? 

നേപ്പാളിലെ സാമൂഹികമാധ്യമ നിരോധനം

Content Highlights: From social media ban to prime ministers resignation Understanding nepal's youth protests