VDS സർക്കാരിന്റെ ആദ്യ ബജറ്റ് ഇന്ന്; മുൻതൂക്കം വികസനപദ്ധതികൾക്ക്, അതിവേഗ റെയിൽപ്പാതയ്ക്ക് സാധ്യത
തിരുവനന്തപുരം: വി.ഡി. സതീശൻ സർക്കാരിന്റെ ആദ്യ ബജറ്റ് വെള്ളിയാഴ്ച രാവിലെ ഒൻപതുമണിക്ക്. സദ്ഭരണവും സഹാനുഭൂതിയും മുഖമുദ്രയാക്കി മുഖ്യമന്ത്രി വി.ഡി. സതീശൻ അവതരിപ്പിക്കുന്ന ആദ്യബജറ്റിൽ വികസനപദ്ധതികൾക്കാകും മുൻതൂക്കം. തുറമുഖ കേന്ദ്രികരണ വികസനത്തിനാകും ഊന്നൽ. പരന്ന വായനക്കാരൻ കൂടിയായ മുഖ്യമന്ത്രി വായനദിനത്തിൽ ബജറ്റ് വായിക്കുന്നുവെന്ന പ്രത്യേകതകൂടി ഇത്തവണയുണ്ട്.
• വിഴിഞ്ഞം തുറമുഖ പ്രദേശം വ്യവസായ, ചരക്കുനീക്ക ഹബ്ബിന് സാധ്യത
വിഴിഞ്ഞം തുറമുഖപ്രദേശം വ്യവസായ, ചരക്കുനീക്ക ഹബ്ബാക്കുകയെന്നതാണ് സംസ്ഥാനത്തെ വികസനം തുറമുഖ കേന്ദ്രികൃതമാക്കുന്നതിന്റെ കാതൽ. കൊച്ചിയിൽ കപ്പൽനിർമാണകേന്ദ്രം, മാരിടൈം സെന്റർ എന്നിവ വിഭാവനംചെയ്യും
• മത്സ്യത്തൊഴിലാളിക്ഷേമവും കരുതലും ബജറ്റിൽ പ്രതീക്ഷിക്കുന്നു.
മത്സ്യത്തൊഴിലാളിക്ഷേമവും കരുതലുമുണ്ടാകും. ഇടനിലക്കാരില്ലാതെ മത്സ്യം അന്താരാഷ്ട്ര വിപണിയിലെത്തിക്കാനാകുംവിധം തീരപ്രദേശത്തുടനീളം മത്സ്യസംസ്‌കരണ കേന്ദ്രങ്ങളെന്ന വാഗ്ദാനമുണ്ടാകും. ആഴക്കടൽ മീൻപിടിത്തത്തിന് മത്സ്യത്തൊഴിലാളികളെ ശാക്തീകരിക്കാൻ ബോട്ടുകളും മറ്റുംവാങ്ങാൻ വായ്പയ്ക്ക് നിധിയുണ്ടാക്കും
• ധനപ്രതിസന്ധി ലഘൂകരിക്കാൻ കേന്ദ്രാവിഷ്‌കൃത പദ്ധതികൾ പരമാവധി നടപ്പാക്കും.
ധനപ്രതിസന്ധി ലഘൂകരിക്കാൻ കേന്ദ്രാവിഷ്‌കൃത പദ്ധതികൾ പരമാവധി നടപ്പാക്കും. അമൃത്, സ്മാർട് സിറ്റി, ദേശീയപാത ഫണ്ടുകൾ തുടങ്ങിയവ പരമാവധി പ്രയോജനപ്പെടുത്താൻ സംസ്ഥാനവിഹിതം ഉറപ്പാക്കും
• തിരുവനന്തപുരം -കണ്ണൂർ അതിവേഗ റെയിൽപ്പാതയ്ക്ക് സാധ്യത പരിശോധിക്കും
തൂണുകളിലും തുരങ്കങ്ങളിലൂടെയുമുള്ള തിരുവനന്തപുരം-കണ്ണൂർ അതിവേഗ റെയിൽപ്പാതയ്ക്ക് സാധ്യത പരിശോധിക്കും
Content Highlights: Prioritizing port-centric development focusing on Vizhinjam hub., Welfare schemes for fishermen including processing centers and boat loans., Leveraging centrally sponsored schemes like AMRUT and Smart City to tackle fiscal crisis., Feasibility study for the Thiruvananthapuram-Kannur high-speed rail line.