ജാതി സംവരണം അവസാനിപ്പിക്കണം; പാവപ്പെട്ടവര്ക്കാണ് സംവരണം നല്കേണ്ടത്- സുകുമാരന് നായര്
ചങ്ങനാശ്ശേരി: ജാതി സംവരണം അവസാനിപ്പിക്കണമെന്ന് എന്.എസ്.എസ്. ജനറല് സെക്രട്ടറി ജി. സുകുമാരന് നായര്. ഏത് ജാതിയില്പ്പെട്ടവരായാലും അതിലെ പാവപ്പെട്ടവര്ക്കാണ് സംവരണം നല്കേണ്ടതെന്നും സുകുമാരന് നായര് കൂട്ടിച്ചേര്ത്തു.
സാമ്പത്തിക സംവരണം എന്ന ആവശ്യത്തില് നിന്നും ഒരടി പോലും എന്.എസ്.എസ്. പിന്നോട്ടു പോകില്ലെന്നും സമ്പന്നന്മാര് ജാതിയുടെ പേരില് സംവരണാനുകൂല്യങ്ങള് അടിച്ചു മാറ്റുന്നുവെന്നും സുകുമാരന് നായര് പറഞ്ഞു.
പത്ത് ശതമാനം സംവരണം മുന്നോക്ക വിഭാഗത്തിലെ സാമ്പത്തികമായി പിന്നോക്കം നില്ക്കുന്നവര്ക്കു കൊടുക്കാന് ഒരു ഭരണഘടനാഭേദഗതി കൊണ്ടുവന്നിരുന്നു. ജാതി സംവരണം പാടില്ല. സാമ്പത്തിക സംവരണമാണ് വേണ്ടത് എന്നാണ് ആ നിയമം ആവശ്യപ്പെട്ടത്. ഇപ്പോഴത്തെ പത്ത് ശതമാനം സംവരണം എന്നുള്ളത് മാറി തൊണ്ണൂറു ശതമാനം സാമ്പത്തിക സംവരണം വരുന്ന കാലം വരുമെന്നും സുകുമാരന് നായര് പറഞ്ഞു.
Content Highlights: reservation should be based on economic status g sukumaran nair