ചിറയിൻകീഴിൽ രമ്യ ഹരിദാസും കോൺഗ്രസ് പ്രവർത്തകരും തമ്മിൽ കൈയാങ്കളി; എം.എൽ.എ. ആശുപത്രിയിൽ

തിരുവനന്തപുരം: തിരുവനന്തപുരത്ത് സഹകരണ ബാങ്ക് തിരഞ്ഞെടുപ്പുമായി ബന്ധപ്പെട്ട തർക്കത്തെത്തുടർന്ന് ചിറയിൻകീഴ് എം.എൽ.എ. രമ്യ ഹരിദാസും കോൺഗ്രസ് പ്രവർത്തകരും തമ്മിൽ കൈയാങ്കളി. സംഭവത്തിനു പിന്നാലെ രമ്യ ഹരിദാസ് ചിറയിൻകീഴ് താലൂക്ക് ആശുപത്രിയിൽ ചികിത്സ തേടി. സംഘർഷത്തിന്റെ ദൃശ്യങ്ങൾ സാമൂഹിക മാധ്യമങ്ങളിലൂടെ പുറത്തുവന്നിട്ടുണ്ട്.

കരാറുകാരുടെയും ഉദ്യോഗസ്ഥരുടെയും ജനപ്രതിനിധികളുടെയും യോഗത്തിൽ രമ്യ ഹരിദാസിന്റെ സുഹൃത്തായ പാളയം പ്രദീപ് പങ്കെടുക്കുകയും അഭിപ്രായം പറയുകയും ചെയ്തതുമായി ബന്ധപ്പെട്ട തർക്കമാണ് സംഘർഷത്തിൽ കലാശിച്ചത്. യോഗത്തിന്റെ ചിത്രം പ്രചരിച്ചതിനെത്തുടർന്ന്, ജനപ്രതിനിധികളുടെ കൂടെ പങ്കെടുക്കാൻ ഇയാൾ ആരാണെന്ന് ചോദ്യം ചെയ്ത് കോൺഗ്രസ് ജനറൽ സെക്രട്ടറി ഫെയ്സ്ബുക്കിൽ പോസ്റ്റിട്ടു. ഈ പോസ്റ്റിൽ പ്രകോപിതയായാണ് രമ്യ ഹരിദാസും സംഘവും ഇദ്ദേഹത്തിന്റെ വീട്ടിലെത്തിയത്.  ഇതറിഞ്ഞ കോൺഗ്രസ് പ്രവർത്തകർ ആ വീട്ടിലെത്തി എം.എൽ.എ.യുമായി വാക്കേറ്റം ഉണ്ടായി.

വീട്ടിൽവെച്ച് ഇരുവിഭാഗവും തമ്മിൽ വാക്പോര് രൂക്ഷമാവുകയും അത് കൈയാങ്കളിയിലേക്ക് നീങ്ങുകയുമായിരുന്നു. പ്രചരിക്കുന്ന ദൃശ്യങ്ങളിൽ പരസ്പരം നീ ആരാണെന്ന് ചോദ്യം ചെയ്യുന്നതും, ആദ്യം കൈയേറ്റത്തിന് മുതിരുന്നത് രമ്യ ഹരിദാസാണെന്നതും വ്യക്തമാണ്. എന്നാൽ സജിത്ത് മുട്ടപ്പാലം എന്നയാൾ തന്നെ മർദിച്ചെന്നാണ് രമ്യ ഉയർത്തുന്ന ആരോപണം. ചിറയിൻകീഴ് പോലീസ് സ്ഥലത്തെത്തി. 2021 നിയമസഭാ തിരഞ്ഞെടുപ്പിൽ ആലത്തൂരിൽ മത്സരിച്ച ആളാണ് പ്രദീപ്. ഇരുപത്തിയേഴായിരം വോട്ടിന് തോറ്റു