നെഹ്റുട്രോഫി വള്ളംകളി: ഉദ്ഘാടനം ഉച്ചയ്ക്ക് രണ്ടിന്; 71 വള്ളങ്ങൾ പോരാട്ടത്തിനിറങ്ങും

ആലപ്പുഴ: എഴുപത്തിരണ്ടാമത് നെഹ്റുട്രോഫി വള്ളംകളി ശനിയാഴ്ച രണ്ടിന് മുഖ്യമന്ത്രി വി.ഡി. സതീശൻ ഉദ്ഘാടനം ചെയ്യും. ഉദ്ഘാടനശേഷം പങ്കെടുക്കുന്ന വള്ളങ്ങളുടെ മാസ്ഡ്രിൽ.

തുടർന്ന് ചുണ്ടൻവള്ളങ്ങളുടെ ഹീറ്റ്സ് മത്സരവും ഫൈനൽ മത്സരവും. 22 ചുണ്ടനുൾപ്പെടെ 71 വള്ളങ്ങളാണു മത്സരിക്കുന്നത്. രാവിലെ 11-ന് ചെറുവള്ളങ്ങളുടെ ഹീറ്റ്സ് മത്സരം തുടങ്ങും.

ശനിയാഴ്ച ജില്ലയിലെ സർക്കാർ ഓഫീസുകൾക്കും വിദ്യാഭ്യാസസ്ഥാപനങ്ങൾക്കും അവധി പ്രഖ്യാപിച്ചിട്ടുണ്ട്. പൊതുപരീക്ഷകൾ മുൻ നിശ്ചയപ്രകാരം നടക്കും. ശനിയാഴ്ച രാവിലെ ഒൻപതു മുതൽ നഗരത്തിൽ ഗതാഗതനിയന്ത്രണമുണ്ട്.

ഉച്ചയ്ക്ക് ഒന്നുമുതൽ വൈകുന്നേരം ആറുവരെ കെ.എസ്.ആർ.ടി.സി. ബസുകൾ സ്റ്റാൻഡിലേക്കു വരില്ല.

Content Highlights: The 72nd Nehru Trophy Boat Race takes place this Saturday in Alappuzha with 71 participating boats, alongside a declared local holiday and citywide traffic restrictions.