തിരുവനന്തപുരത്ത് മന്ത്രി കെ.എം. ഷാജിയെ തടഞ്ഞ് യുവമോർച്ച, ഓട്ടോയിൽനിന്ന് ഇറക്കിവിട്ടു

തിരുവനന്തപുരം: മന്ത്രി കെ.എം. ഷാജിക്കെതിരേ യുവമോർച്ചയുടെ പ്രതിഷേധം. വാഹനം തഞ്ഞതിനെത്തുടർന്ന് മന്ത്രി ഓട്ടോ റിക്ഷയിൽ കയറി യാത്രതുടരാനുള്ള ശ്രമം നടത്തി. എന്നാൽ, ഓട്ടോയും തടഞ്ഞതോടെ മന്ത്രി കാൽനടയായി യാത്രചെയ്യുകയായിരുന്നു. തിരുവനന്തപുരം വാൻറോഡ് പരിസരത്തായിരുന്നു സംഘർഷം. അഞ്ചു മിനിറ്റോളം മന്ത്രിയെ യുവമോർച്ചാ പ്രവർത്തകർ തടഞ്ഞുവെച്ചു.

കൊല്ലത്ത് ആഭ്യന്തര മന്ത്രി അമിത് ഷായെ യൂത്ത് കോൺഗ്രസ് പ്രവർത്തകർ കരിങ്കൊടി കാണിച്ചതിന് പിന്നാലെയാണ് സംസ്ഥാനത്ത് വ്യാപക പ്രശ്നങ്ങൾക്ക് തുടക്കമായത്. വിവിധയിടങ്ങളിൽ ബിജെപി പ്രവർത്തകർ പ്രതിഷേധം സംഘടിപ്പിച്ചു. തിരുവനന്തപുരം ജില്ലാ കോൺഗ്രസ് കമ്മിറ്റി ഓഫീസിലേക്ക് കല്ലേറ് നടത്തുകയും തീയിടുകയും ചെയ്തു. ഇതിന് പിന്നിൽ ബിജെപിയാണെന്ന് പിന്നീട് സിസിടിവി ദൃശ്യങ്ങളിൽ തെളിഞ്ഞിരുന്നു. ഇതിന് പിന്നാലെ ബിജെപി നേതാവ് പി.കെ. കൃഷ്ണദാസിനെ കോൺഗ്രസ് പ്രവർത്തകർ തടയുകയും കാറിൽ കെട്ടിയിരുന്ന കൊടി എടുക്കുകയും ചെയ്തിരുന്നു. ഇതേത്തുടർന്ന് വ്യാഴാഴ്ച സംസ്ഥാന വ്യാപകമായി പ്രതിഷേധം സംഘടിപ്പിക്കാൻ ബിജെപി ആഹ്വാനം ചെയ്തിട്ടുണ്ട്.

തിരഞ്ഞെടുപ്പ് കമ്മിഷനെതിരായ യൂത്ത് കോൺഗ്രസ് മാർച്ച് സംഘർഷത്തിൽ കലാശിച്ചു. മാർച്ച് കടന്നുവരുമ്പോൾ യൂണിവേഴ്സിറ്റി ക്യാമ്പസിൽനിന്ന് കല്ലും ബിയർകുപ്പികളും വലിച്ചെറിയുകയായിരുന്നു. പിന്നാലെ യൂത്ത് കോൺഗ്രസ് പ്രവർത്തകരുടെ കൈയിൽ ഉണ്ടായിരുന്ന തീപ്പന്തം യൂത്ത് കോൺഗ്രസ് പ്രവർത്തകർ വലിച്ചെറിയുകയായിരുന്നു. സംഘർഷത്തിനു പിന്നിൽ എസ്.എഫ്.ഐ. ആണെന്നാണ് യൂത്ത് കോൺഗ്രസിന്റെ ആരോപണം.