ഇത് അപക്വമായ നിലപാട്, അണികളുടെ വികാരത്തിന് കാരണം മാധ്യമങ്ങൾ-ചാണ്ടി ഉമ്മൻ

ഇന്ത്യയിലെ കോൺഗ്രസിനെ പിടിച്ച് നിർത്തിയിരിക്കുന്ന നേതാവാണ് കെ.സി. വേണുഗോപാലെന്ന് ചാണ്ടി ഉമ്മൻ എംഎൽഎ. രമേശ് ചെന്നിത്തല പാർട്ടിയെ കെട്ടിപ്പടുത്ത ആളാണെന്നും വി.ഡി. സതീശൻ അധികാരത്തോട് ഭ്രമം ഇല്ലാത്ത നേതാവാണെന്നും അദ്ദേഹം പറഞ്ഞു. തന്റെ പിതാവ് ഉണ്ടായിരുന്നുവെങ്കിൽ ഫ്‌ളക്‌സ് കീറിയ സംഭവമൊന്നും മൈൻഡ് ചെയ്യില്ലായിരുന്നുവെന്നും കല്ലെറിഞ്ഞവരോട് പോലും ക്ഷമിച്ച ആളാണ് അദ്ദേഹമെന്നും ചാണ്ടി ഉമ്മൻ പറഞ്ഞു.

എംഎൽഎമാരുടെ വികാരം എന്നു പറഞ്ഞാൽ ജനവികാരം തന്നെയാണ്. എംഎൽഎമാരോടൊപ്പം തന്നെ നമ്മുടെ ഘടകക്ഷികളുടെ വികാരം കൂടി കണക്കിലെടുത്തിട്ടുണ്ട്. പൊതുവായ അന്തരീക്ഷവും നോക്കുന്നുണ്ട്. സോഷ്യൽ മീഡിയയുടെ വികാരമാണോ പൊതുവികാരം എന്ന് ചോദിച്ചാൽ അതെല്ലാം ഉൾക്കൊള്ളാൻ സാധിക്കില്ലെന്നും ചാണ്ടി ഉമ്മൻ കൂട്ടിച്ചേർത്തു. ഈ തിരഞ്ഞെടുപ്പിൽ ഉമ്മൻചാണ്ടി ഫാക്ടർ 140 മണ്ഡലത്തിലും പ്രതിഫലിച്ചുവെന്നും അദ്ദേഹം ചൂണ്ടിക്കാട്ടി.

Content Highlights: Reflection on the 2026 UDF election victory across 140 constituencies. Chandy Oommen’s perspective on the legacy of Oommen Chandy and forgiveness in politics. Evaluation of key Congress leaders: KC Venugopal, VD Satheesan, and Ramesh Chennithala. Insights into the party's future focus on youth employment and governance. Dismissal of social media noise as a gauge for genuine public sentiment.