പിതാവിന്റെ പാതയിൽ മകൻ; കളമശ്ശേരിയിൽ മന്ത്രി തുടർച്ച

കളമശ്ശേരിയിൽ മന്ത്രി പി. രാജീവിനെ തോൽപ്പിച്ച് നിയമസഭയിലേക്കെത്തിയ അഡ്വ. വി.ഇ. അബ്ദുൽ ഗഫൂർ മന്ത്രിയാകുമ്പോൾ അത് ഒരു തുടർച്ചയാണ്. കഴിഞ്ഞ യു.ഡി.എഫ്. സർക്കാരിലെ മന്ത്രി വി.കെ. ഇബ്രാഹിംകുഞ്ഞിന്റെ മകൻ.

1976-ൽ ആലങ്ങാട് പഞ്ചായത്തിലെ കോങ്ങോർപ്പിള്ളിയിൽ വി.കെ. ഇബ്രാഹിം കുഞ്ഞിന്റെയും നദീറയുടെയും മകനാണ്. സംസ്ഥാന അണ്ടർ-16 ക്രിക്കറ്റ് ടീമിലേക്ക് തിരഞ്ഞെടുക്കപ്പെട്ടിരുന്നു. തിരുവനന്തപുരം കേരള ലോ അക്കാദമിയിൽനിന്ന് എൽഎൽ.ബി. ബിരുദം നേടി. 2000-ൽ കേരള ഹൈക്കോടതിയിൽ അഭിഭാഷകനായി എൻറോൾ ചെയ്തു.

എം.എസ്.എഫിലൂടെയാണ് പൊതുപ്രവർത്തന രംഗത്തേക്ക് കടന്നത്. യൂത്ത് ലീഗിന്റെ എറണാകുളം ജില്ലാ പ്രസിഡന്റായി. നിലവിൽ ലീഗ് ജില്ലാ ജനറൽ സെക്രട്ടറിയാണ്. തൊഴിലാളിസംഘടനാ രംഗത്തും സജീവമാണ്. ഭാര്യ: ദിലാര. മക്കൾ: റിദ ഫാത്തിമ, വസീം ഖാദർ, റയ ഫാത്തിമ.

Content Highlights: Adv. V.E. Abdul Gafoor elected as Minister from Kalamassery constituency. Son of former UDF minister V.K. Ebrahim Kunju. Legal professional and former Kerala High Court lawyer. Active in MSF, Youth League, and trade union movements