ദിശതെറ്റിയെത്തിയ വാൻ ബൈക്കിലിടിച്ചു; ബൈക്ക് യാത്രികനായ പോലീസുകാരന് പരിക്ക്

#ന്യൂസ് ഡെസ്ക്
അപകടസ്ഥലത്തുനിന്നുള്ള ദൃശ്യം
അപകടസ്ഥലത്തുനിന്നുള്ള ദൃശ്യം

അടൂർ (പത്തനംതിട്ട): ദിശതെറ്റിയെത്തിയ വാൻ ബൈക്കിലിടിച്ച് ബൈക്ക് യാത്രികനായ പോലീസുകാരന് പരിക്ക്. എം.സി. റോഡിൽ അടൂർ വടക്കടത്തുകാവിൽ രാവിലെ എട്ടുമണിയോടെയാണ് സംഭവം. പത്തനംതിട്ട എ.ആർ ക്യാമ്പിലെ എ.എസ്.ഐ. കൊട്ടാരക്കര കരിപ്ര അനിതാഭവനിൽ ബി. സുരേഷ് കുമാറി(51)നാണ് പരിക്കേറ്റത്.

വടക്കടത്തുകാവ് ജങ്ഷന് സമീപമായിരുന്നു അപകടം. ജോലികഴിഞ്ഞ് വീട്ടിലേക്ക് പോകുംവഴി, എതിർദിശയിൽ വന്ന വാൻ ദിശതെറ്റി സുരേഷ് കുമാർ ഓടിച്ച ബൈക്കിൽ ഇടിക്കുകയായിരുന്നു.

വാനിൽ ഉണ്ടായിരുന്നവർ അപകടം നടന്നയുടൻ വാനിൽ നിന്നിറങ്ങി ഓടി രക്ഷപ്പെട്ടതായി ദൃക്‌സാക്ഷികൾ പറഞ്ഞു. തുടർന്ന് നാട്ടുകാരാണ് പരിക്കേറ്റ സുരേഷ് കുമാറിനെ അടൂർ ജനറൽ ആശുപത്രിയിൽ എത്തിച്ചത്.

Content Highlights: A van traveling in the wrong direction collided with a bike on MC Road, Adoor., B. Suresh Kumar (51), an ASI at Pathanamthitta AR Camp, sustained injuries., The occupants of the van fled the scene immediately after the accident., Locals rescued the injured policeman and rushed him to Adoor General Hospital.