സത്യസായി ബാബ ജയന്തി: തിരുവനന്തപുരത്തുനിന്ന് പ്രത്യേക തീവണ്ടി

#ന്യൂസ് ഡെസ്ക്

ബെംഗളൂരു: സത്യസായി ബാബയുടെ 101-ാം ജയന്തിയാഘോഷങ്ങളോടനുബന്ധിച്ച് പുട്ടപർത്തിയിലേക്ക് (ശ്രീ സത്യസായി പ്രശാന്തി നിലയം) തിരുവനന്തപുരത്തുനിന്ന് പ്രത്യേക തീവണ്ടി സർവീസ് പ്രഖ്യാപിച്ചു. തിരുവനന്തപുരം സെൻട്രലിൽനിന്ന് ബെംഗളൂരു വഴി ആന്ധ്രയിലെ മന്ത്രാലയം റോഡ് വരെയാണ് സർവീസ്.

തിരുവനന്തപുരം-മന്ത്രാലയം പ്രത്യേക തീവണ്ടി (06025) ഞായറാഴ്ച(നവംബർ 22) പകൽ 12.40-ന് തിരുവനന്തപുരത്തുനിന്ന് പുറപ്പെട്ട് ശ്രീസത്യസായി പ്രശാന്തി നിലയം വഴി അടുത്തദിവസം ഉച്ചയ്ക്കുശേഷം 2.15-ന് മന്ത്രാലയത്തിൽ എത്തും. മടക്ക തീവണ്ടി(06026) ചൊവ്വാഴ്ച(നവംബർ 24) രവിലെ 10.30-ന് മന്ത്രാലയം റോഡിൽനിന്ന് പുറപ്പെട്ട് അടുത്തദിവസം 12.30-ന് തിരുവനന്തപുരത്ത് എത്തും. വർക്കല, കൊല്ലം, ശാസ്താംകോട്ട, കരുനാഗപ്പള്ളി, കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശ്ശേരി, കോട്ടയം, എറണാകുളം ടൗൺ, ആലുവ, തൃശ്ശൂർ, പാലക്കാട് എന്നിവിടങ്ങളിലും ബെംഗളൂരുവിൽ ബെംഗാർപ്പേട്ട്, കൃഷ്ണരാജപുരം, യെലഹങ്ക എന്നിവിടങ്ങളിലും സ്‌റ്റോപ്പുണ്ട്.

Content Highlights: Special train announced for Sathya Sai Baba's 101st Jayanthi celebrations, Operates between Thiruvananthapuram Central and Mantralayam Road via Puttaparthi, Outbound train starts on Sunday, November 22, Return train starts on Tuesday, November 24, Stops at multiple stations across Kerala and Bengaluru