ഓക്സ്ഫഡ് വാക്സിന് പരീക്ഷണം ഇന്ത്യയില് തുടരും; നിര്ത്തേണ്ടതില്ലെന്ന് സെറം ഇന്സ്റ്റിറ്റ്യൂട്ട്
ന്യൂഡല്ഹി: ഓക്സ്ഫഡ് സര്വകലാശാലയുടെ കോവിഡ്-19 വാക്സിന്റെ ഇന്ത്യയിലെ പരീക്ഷണം തുടരുമെന്ന് പുണെ സെറം ഇന്സ്റ്റിറ്റ്യൂട്ട്. വാക്സിന് കുത്തിവെച്ച ഒരാള്ക്ക് അജ്ഞാത രോഗം കണ്ടെത്തിയതിനാല് യു.കെയിലെ വാക്സിന് പരീക്ഷണം നിര്ത്തിവെച്ച സാഹചര്യത്തിലാണ് സെറം ഇന്സ്റ്റിറ്റ്യൂട്ടിന്റെ വിശദീകരണം.
കോവിഡ് വാക്സിന്റെ ഇന്ത്യയിലെ പരീക്ഷണങ്ങളുമായി ബന്ധപ്പെട്ട് ഇതുവരെ പ്രശ്നങ്ങളൊന്നുമില്ല. അതിനാല് ഇന്ത്യയിലെ പരീക്ഷണം തുടരുകയാണെന്നാണ് സെറം ഇന്സ്റ്റിറ്റ്യൂട്ട് അറിയിച്ചത്. ഓക്സ്ഫഡ് സര്വകലാശാല വികസിപ്പിച്ച കോവിഡ് വാക്സിന്റെ ഇന്ത്യയിലെ പരീക്ഷണത്തിന് നേതൃത്വം നല്കുന്നത് സെറം ഇന്സ്റ്റിറ്റ്യൂട്ടാണ്.
യു.കെയില് വാക്സിന് കുത്തിവെച്ച ഒരാള്ക്ക് കഴിഞ്ഞ ദിവസം അജ്ഞാതരോഗം കണ്ടെത്തിയ സാഹചര്യത്തിലാണ് ഓക്സ്ഫഡ്- അസ്ട്രാസെനെക വാക്സിന്റെ അവസാനഘട്ട പരീക്ഷണം നിര്ത്തിവെച്ചത്. മരുന്നിന്റെ പാര്ശ്വഫലമാണിതെന്ന സംശയമാണുള്ളത്. എന്നാല് കേസിന്റെ സ്വഭാവമോ എപ്പോള് സംഭവിച്ചുവെന്നോ വ്യക്തമാക്കിയിട്ടില്ല. 2021 ജനുവരിയോടെ ഓക്സ്ഫഡ് വാക്സിന് വിപണിയിലെത്തുമെന്നായിരുന്നു വിലയിരുത്തല്.
content highlights: oxford vaccine trial to continue in India says serum Institute
Content Highlights: