ഇന്ത്യ-യുഎസ് സഹകരണവും പങ്കാളിത്തവും ശക്തിപ്പെടുത്തും; ജയശങ്കറും സെർജിയോ ഗോറും കൂടിക്കാഴ്ച നടത്തി
ന്യൂഡൽഹി: ഇന്ത്യയിലെ യുഎസ് സ്ഥാനപതി സെർജിയോ ഗോറും വിദേശകാര്യമന്ത്രി എസ്. ജയശങ്കറും തമ്മിൽ ഞായറാഴ്ച കൂടിക്കാഴ്ച നടത്തി. യുഎസ്-ഇന്ത്യ പങ്കാളിത്തം ശക്തിപ്പെടുത്തുന്നതിനും സുരക്ഷ വർധിപ്പിക്കുന്നതിനും വ്യാപാരം വികസിപ്പിക്കുന്നതിനും നിർണായക സാങ്കേതികവിദ്യകളിൽ സഹകരണം വർധിപ്പിക്കുന്നതിനും ഉള്ള മാർഗങ്ങളെക്കുറിച്ച് ഫലപ്രദമായ ചർച്ച നടത്തിയതായി ഇരുനേതാക്കളും എക്സ് പോസ്റ്റിലൂടെ വ്യക്തമാക്കി. ഒരു പ്രതിനിധി സംഘവും ഗോറിനൊപ്പമുണ്ടായിരുന്നു.
ഇന്ത്യ-യുഎസ് ബന്ധം, ഇന്തോ-പസഫിക്, യുക്രൈൻ സംഘർഷം എന്നിവ ചർച്ചാവിഷയങ്ങളിൽ ഉൾപ്പെട്ടതായി ജയശങ്കർ എക്സ് പോസ്റ്റിൽ കുറിച്ചു.
Just concluded a good conversation with @SecRubio.
Discussed trade, critical minerals, nuclear cooperation, defence and energy.
Agreed to remain in touch on these and other issues.
🇮🇳 🇺🇸— Dr. S. Jaishankar (@DrSJaishankar) January 13, 2026
യുഎസ്-ഇന്ത്യ പങ്കാളിത്തം, സുരക്ഷ ശക്തിപ്പെടുത്തുന്നതിനും വ്യാപാരം വികസിപ്പിക്കുന്നതിനും നിർണായക സാങ്കേതികവിദ്യകളിൽ സഹകരണം വർധിപ്പിക്കുന്നതിനുമുള്ള വഴികളെക്കുറിച്ച് ഫലപ്രദമായ കൂടിക്കാഴ്ച നടത്തിയതായി ഗോർ കുറിച്ചു.
Just wrapped a productive meeting with EAM @DrSJaishankar, @RepMikeRogersAL, @RepAdamSmith, and @JimmyPatronis on ways to strengthen U.S.-India partnership for stronger security, expanded trade, and cooperation on critical technologies. https://t.co/kHfdkhBFtn
— Ambassador Sergio Gor (@USAmbIndia) January 25, 2026
ജനുവരി 13ന് ജയശങ്കർ യുഎസ് സ്റ്റേറ്റ് സെക്രട്ടറി മാർക്കോ റൂബിയോയുമായി ടെലിഫോണിൽ സംസാരിക്കുകയും വ്യാപാരം, നിർണായക ധാതുക്കൾ, ആണവ സഹകരണം, പ്രതിരോധം, ഊർജ്ജം എന്നിവയുമായി ബന്ധപ്പെട്ട നിരവധി ഉഭയകക്ഷി വിഷയങ്ങൾ ചർച്ച ചെയ്യുകയും ചെയ്തു. ഉഭയകക്ഷി, അന്താരാഷ്ട്ര വിഷയങ്ങളിൽ പുരോഗതി കൈവരിക്കുന്നതിന് നിരന്തരമായ ഇടപെടലിന്റെ പ്രാധാന്യത്തെക്കുറിച്ച് ഇരുപക്ഷവും സമ്മതിച്ചതായി അദ്ദേഹം പറഞ്ഞു. ഗോർ ചുമതലയേറ്റ് ഒരു ദിവസത്തിന് ശേഷമാണ് ജയശങ്കറും റൂബിയോയുമായി ടെലിഫോൺ സംഭാഷണം നടന്നത്.
യുഎസിന് ഇന്ത്യയേക്കാൾ പ്രധാനപ്പെട്ട രാജ്യമില്ലെന്നും ഇരുപക്ഷവും വ്യാപാര കരാർ ഉറപ്പിക്കുന്നതിൽ സജീവമായി ഏർപ്പെട്ടിട്ടുണ്ടെന്നും യുഎസ് അംബാസഡർ സെർജിയോ ഗോർ തിങ്കളാഴ്ച ന്യൂഡൽഹിയിൽ പറഞ്ഞു. "യഥാർഥ സുഹൃത്തുക്കൾക്ക് വിയോജിക്കാം, പക്ഷേ ഒടുവിൽ അവരുടെ അഭിപ്രായവ്യത്യാസങ്ങൾ എപ്പോഴും അവർ പരിഹരിക്കും," പ്രധാനമന്ത്രി നരേന്ദ്ര മോദിയും പ്രസിഡന്റ് ഡൊണാൾഡ് ട്രംപും തമ്മിലുള്ള സൗഹൃദത്തെ പരാമർശിച്ചുകൊണ്ട് അദ്ദേഹം ചുമതലയേറ്റതിന് ശേഷമുള്ള പ്രസംഗത്തിൽ പറഞ്ഞു.
#WATCH | Delhi: After assuming charge as the US Ambassador to India, Sergio Gor says, "... No partner is more essential than India. In the months and years ahead, it is my goal as ambassador to pursue a very ambitious agenda. We will do this as true strategic partners, each… pic.twitter.com/0qY9AgRoHw
— ANI (@ANI) January 12, 2026
"വ്യാപാരം നമ്മുടെ ബന്ധത്തിന് വളരെ പ്രധാനമാണെങ്കിലും, സുരക്ഷ, ഭീകരവാദ വിരുദ്ധ പ്രവർത്തനം, ഊർജ്ജം, സാങ്കേതികവിദ്യ, വിദ്യാഭ്യാസം, ആരോഗ്യം എന്നിവ പോലുള്ള മറ്റ് വളരെ പ്രധാനപ്പെട്ട മേഖലകളിൽ ഇന്ത്യയും യുഎസും ഒരുമിച്ച് പ്രവർത്തിക്കുന്നത് തുടരും," അദ്ദേഹം പറഞ്ഞു. "ഞാൻ പ്രസിഡന്റ് ട്രംപിനൊപ്പം ലോകമെമ്പാടും സഞ്ചരിച്ചിട്ടുണ്ട്, അദ്ദേഹത്തിന്റെ പ്രധാനമന്ത്രി മോദിയുമായുള്ള സൗഹൃദം യഥാർഥമാണെന്ന് ഞാൻ സാക്ഷ്യപ്പെടുത്താം," അദ്ദേഹം കൂട്ടിച്ചേർത്തു.
Content Highlights: US Ambassador to India Sergio G & EAM S. Jaishankar met to boost US-India partnership, security, trade, & tech. Discussed Indo-Pacific & Ukraine.