മധ്യപ്രദേശിൽ കോൺഗ്രസിനെ വലച്ച് ഡിഗ്ഗിരാജ: പുത്രമോഹമോ, പുതിയ തന്ത്രമോ; പിന്നിലെന്ത്?

മധ്യപ്രദേശ് മുൻമുഖ്യമന്ത്രിയും കോൺഗ്രസിന്റെ പ്രവർത്തകസമിതി അംഗവുമായ ദിഗ്വിജയ് സിങ് എന്ന ഡിഗ്ഗിരാജ സമർത്ഥനും തന്ത്രശാലിയുമായ പ്രായോഗിക രാഷ്ട്രീയക്കാരനാണെന്ന് അദ്ദേഹത്തിന്റെ ശത്രുക്കൾ പോലും സമ്മതിക്കും. മൂന്നുദശകത്തോളം കാലം ഭാരതീയ ജനതാപാർട്ടിയെ (ബിജെപി) നിരന്തരം ബുദ്ധിമുട്ടിച്ചിരുന്ന സിങ് കഴിഞ്ഞയാഴ്ച പാർട്ടി നിലപാടിനു വിരുദ്ധമായി പഴയ എതിരാളികളെ ന്യായീകരിക്കാനെത്തിയത് അമ്പരപ്പുളവാക്കി. ജീവിതകാലം മുഴുവൻ ഗാന്ധികുടുംബത്തിന്റെ വിശ്വസ്തനായ പ്രശ്നപരിഹാരകനും ഹൈന്ദവ വലതുപക്ഷത്തിന്റെ കടുത്ത വിമർശകനായിരുന്ന ഒരു രാഷ്ട്രീയക്കാരന്റെ ജീവിതത്തിലെ അവിശ്വസനീയമായ വഴിത്തിരിവാണ് ഉജ്ജൈനിൽ നടത്തിയ പത്രസമ്മേളനത്തിൽ കണ്ടത്.

മധ്യപ്രദേശിലെ ബിജെപി മുഖ്യമന്ത്രി മോഹൻ യാദവും കുടുംബവും നേരിടുന്ന വലിയ ഭൂമി കുംഭകോണ ആരോപണമായിരുന്നു വിഷയം. നേരത്തേ, ഉജ്ജൈനിലെ ഏതാണ്ട് 500 കോടി രൂപ വിലമതിക്കുന്ന 500 ഏക്കറോളം ഭൂമി 'വീർ ഭാരത് ന്യാസ്' എന്ന ട്രസ്റ്റിന് തുച്ഛമായ തുകയ്ക്ക് സർക്കാർ കൈമാറിയെന്നും മുഖ്യമന്ത്രിയുടെ അടുത്ത സഹായിക്ക് ഈ ട്രസ്റ്റുമായി ബന്ധമുണ്ടെന്നും മധ്യപ്രദേശ് കോൺഗ്രസ് അധ്യക്ഷൻ ജിതു പട്വാരി ആരോപിച്ചതിനു പിന്നാലെയായിരുന്നു ഡിഗ്ഗിരാജയുടെ വാർത്താസമ്മേളനം. ഔദ്യോഗികരേഖകൾ താൻ നേരിട്ട് പരിശോധിച്ചുവെന്നും പട്വാരിയുടെ പ്രധാന ആരോപണം വസ്തുതാവിരുദ്ധമാണെന്ന് കണ്ടെത്തിയെന്നും ദിഗ്വിജയ് സിങ് വാർത്താലേഖകരോട് പറഞ്ഞതോടെ കളി മാറി.

Content Highlights: Digvijay Singh publicly contradicted MP Congress President Jitu Patwari's corruption allegations against CM Mohan Yadav. Internal party conflict has intensified, with leaders citing 'putramoham' (love for son) as a potential motive for his actions. Speculation arises regarding Singh's future in the party versus potential alignment with broader political shifts. The incident highlights the volatile nature of MP politics and the ongoing power struggle within the state Congress unit. Singh announced a 1,000km padayatra from Mahakaleshwar temple to Ayodhya, signaling a shift in his political outreach.