ഒരു വര്ഷത്തേയ്ക്ക് പുതിയ പദ്ധതികളില്ല: ചെലവുകള്ക്ക് കടിഞ്ഞാണിട്ട് കേന്ദ്രം
ന്യൂഡല്ഹി: ഒരു വര്ഷത്തേക്ക് പുതിയ പദ്ധതികളൊന്നും ആരംഭിക്കരുതെന്ന് ധനമന്ത്രാലയത്തിന്റെ ഉത്തരവ്. കൊറോണവൈറസ് കേസുകള് വര്ധിച്ചുവരുന്നതിനിടയില് ചെലവ് നിയന്ത്രിക്കുന്നതിന്റെ ഭാഗമായിട്ടാണ് നടപടി.
പുതിയ പദ്ധതികള്ക്കായി ധനമന്ത്രാലയത്തിലേക്ക് പദ്ധതി നിര്ദേശങ്ങള് സമര്പ്പിക്കുന്നത് നിര്ത്തിവെക്കാന് എല്ലാ മന്ത്രാലയങ്ങളോടും ആവശ്യപ്പെട്ടു. പ്രധാനമന്ത്രി ഗരീബ് കല്യണ് യോജന, ആത്മ നിര്ഭര് ഭാരത് എന്നിവക്ക് കീഴിലുള്ള പദ്ധതികള്ക്ക് മാത്രമേ പണം അനുവദിക്കൂ. നടപ്പ് സാമ്പത്തിക വര്ഷത്തില് മറ്റൊരു പദ്ധതിക്കും അംഗീകാരം ലഭിക്കില്ലെന്നും ധനമന്ത്രാലയം അറിയിച്ചു.
'കോവിഡ്19 മഹാമാരിയുടെ പശ്ചാത്തലത്തില്, പൊതു സാമ്പത്തിക സ്രോതസുകളില് അഭൂതപൂര്വമായ ആവശ്യം ഉയര്ന്നുവരുന്നുണ്ട്. മാറുന്ന മുന്ഗണനകള്ക്ക് അനുസൃതമായി വിവേകപൂര്വ്വം വിഭവങ്ങള് ഉപയോഗിക്കേണ്ടതിന്റെ ആവശ്യകതയുണ്ട്' ധനമന്ത്രാലയം പുറത്തിറക്കിയ ഉത്തരവില് പറയുന്നു. ബജറ്റ് പ്രകാരം ഇതിനകം അംഗീകരിച്ച പദ്ധതികളും മാര്ച്ച് 31 വരെ താത്കാലിമായി നിര്ത്തിവെയ്ക്കും.
Content Highlights: All ministries have been told to stop sending requests for new schemes to the finance ministry.
Content Highlights: