റസൂല് പൂക്കുട്ടി ചലച്ചിത്ര അക്കാദമി ചെയര്മാന്, കുക്കൂ പരമേശ്വരന് വൈസ് ചെയര്പേഴ്സണ്
തിരുവനന്തപുരം: സംസ്ഥാന ചലച്ചിത്ര അക്കാദമി ചെയര്മാനായി ഒസ്കര് ജേതാവ് റസൂല് പൂക്കുട്ടിയെ നിയമിച്ചു. നടിയും താരസംഘടന 'അമ്മ' ജനറല് സെക്രട്ടറിയുമായ കുക്കു പരമേശ്വരനാണ് വൈസ് ചെയര്പേഴ്സണ്. സി. അജോയ് ആണ് സെക്രട്ടറി.
സന്തോഷ് കീഴാറ്റൂര്, നിഖില വിമല്, ബി. രാകേഷ്, സുധീര് കരമന, റെജി എം. ദാമോദരന്, സിത്താര കൃഷ്ണകുമാര്, മിന്ഹാജ് മേഡര്, സോഹന് സീനുലാല്, ജി.എസ്. വിജയന്, ശ്യാം പുഷ്കരന്, അമല് നീരദ്, സാജു നവോദയ, എന്. അരുണ്, പൂജപ്പുര രാധാകൃഷ്ണന്, യൂ, ശ്രീഗണേഷ് എന്നിവരടങ്ങുന്നതാണ് ജനറല് കൗണ്സില്.
വൈസ് ചെയര്മാനായിരുന്ന നടന് പ്രേംകുമാറാണ് സംവിധായകന് രഞ്ജിത് സ്ഥാനമൊഴിഞ്ഞശേഷം ചെയര്മാന്റെ ചുമതല വഹിച്ചത്. ഷാജി എന്. കരുണിന്റെ മരണത്തെത്തുടര്ന്ന് ചലച്ചിത്ര വികസന കോര്പ്പറേഷന് ചെയര്മാനായി സംവിധായകന് കെ.മധുവിനെ നിയമിച്ചിരുന്നു.
Content Highlights: Oscar winner Resul Pookutty appointed Chairman of Kerala Film Academy. Nikila Vimal, Shyam Pushkaran, Amal Neerad, Sithara & others join General Council