വിഷയം പ്രണയം, കെനീഷയുടെ സംഗീത ആൽബത്തിൽ അതിഥിവേഷത്തിലെത്തി രവി മോഹൻ

​ഗോസിപ്പുകൾ തുടരുന്നതിനിടെ ​ഗായിക കെനീഷ ഫ്രാൻസിസിന്റെ പുതിയ മ്യൂസിക് വീഡിയോയിൽ വേഷമിട്ട് തമിഴ് നടൻ രവി മോഹൻ. അൻട്രും ഇൻട്രും (അന്നും ഇന്നും) എന്ന് പേരുള്ള സം​ഗീത വീഡിയോ പ്രണയബന്ധത്തെക്കുറിച്ചാണ് പറയുന്നത്. 

"ഞങ്ങളിൽ നിന്ന് നിങ്ങളിലേക്ക്. ലോകമേ ഇത് കാണുക" എന്നാണ് ​ഗാനത്തിന്റെ ലിങ്ക് പങ്കുവെച്ചുകൊണ്ട് രവി മോഹൻ സോഷ്യൽ മീഡിയിൽ കുറിച്ചത്. പോസ്റ്റിൽ കെനീഷയെ മെൻഷൻ ചെയ്തിട്ടുമുണ്ട്. കെനീഷതന്നെയാണ് ​ഗാനം ഈണമിട്ടതും പാടിയതും. കെനീഷയും മ്യൂസിക് വീഡിയോയിൽ അഭിനയിച്ചിട്ടുണ്ട്.

ഗാനരചന നിർവ്വഹിച്ചിരിക്കുന്നത് ആദേശ് ആണ്. തേജോ ഭരദ്വാജ് സംവിധാനം ചെയ്ത ഈ മ്യൂസിക് വീഡിയോ യാൻചൻ ആണ് നിർമ്മിച്ചിരിക്കുന്നത്. രണ്ടുദിവസം മുൻപിറങ്ങിയ ​ഗാനത്തിന് മികച്ച പ്രതികരണമാണ് വിവിധ പ്ലാറ്റ്ഫോമുകളിൽ ലഭിച്ചുകൊണ്ടിരിക്കുന്നത്.

Content Highlights: Ravi Mohan appears in Keneeshaa Francis` music video amid his divorce. Watch the `Andrum Indrum`