കടുവ ഓഗസ്റ്റിൽ ഓ.ടി.ടിയിലേക്ക്, സ്ട്രീമിങ് തീയതി പ്രഖ്യാപിച്ചു

പൃഥ്വിരാജ് ചിത്രം കടുവയുടെ ഓ.ടി.ടി റിലീസ് തീയതി പ്രഖ്യാപിച്ചു. ഓ​ഗസ്റ്റ് നാലുമുതൽ ആമസോൺ പ്രൈമിൽ ചിത്രം ലഭ്യമാവും. സിംഹാസനം എന്ന ചിത്രത്തിന് ശേഷം പൃഥ്വിരാജ്-ഷാജി കൈലാസ് ടീം ഒന്നിച്ച ചിത്രമാണ് കടുവ. ജിനു വി എബ്രഹാമിന്റേതാണ് തിരക്കഥ. 

ലൂസിഫറിന് ശേഷം വിവേക് ഒബ്രോയ് മലയാളത്തിൽ അഭിനയിച്ച ചിത്രം കൂടിയാണ് കടുവ. അർജുൻ അശോകൻ, അലൻസിയർ, ബൈജു, രഞ്ജി പണിക്കർ, സുരേഷ് കൃഷ്ണ, കലാഭവൻ ഷാജോൺ, സീമ തുടങ്ങിയവരാണ് മറ്റുപ്രധാനവേഷങ്ങളിലെത്തിയത്. 

അഭിനന്ദ് രാമാനുജം ഛായാ​ഗ്രഹണവും ജേക്സ് ബിജോയ് സം​ഗീത സംവിധാനവും നിർവഹിച്ചിരിക്കുന്നു. കനൽ കണ്ണൻ, മാഫിയാ ശശി എന്നിവരാണ് സംഘട്ടന സംവിധാനം. എഡിറ്റിങ് ഷമീർ മുഹമ്മദ്. പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നിവർ ചേർന്നാണ് ചിത്രം നിർമിച്ചിരിക്കുന്നത്.

ജൂൺ ഏഴിന് തിയേറ്ററുകളിലെത്തിയ ചിത്രത്തിന് തിയേറ്ററുകളിൽ വൻവരവേല്പാണ് ലഭിച്ചത്.

Content Highlights: Kaduva Movie, Kaduva Movie OTT Release Date Announced, Kaduva in Amazon Prime