ചിരിയും ഭയവും ട്വിസ്റ്റുകളുമായി ‘പ്രകമ്പനം’ വരുന്നു; വെള്ളിയാഴ്ച തിയേറ്ററിലേക്ക്
ഹൊറർ ഫാമിലി കോമഡി എന്റർടൈനർ പ്രകമ്പനം നാളെ തിയേറ്ററിലേക്ക്. ചിരിപ്പിക്കുന്ന മുഹൂർത്തങ്ങളും ട്വിസ്റ്റുകളും ഒരുമിച്ച് ചേർന്ന ചിത്രമാണ് പ്രകമ്പനം. നിരവധി സർപ്രൈസുകളുമായി തിയേറ്ററിൽ എത്തുന്ന ചിത്രം ഏറെ നാൾക്കുശേഷം പ്രേക്ഷകരെ തീയേറ്ററിൽ ചിരിപ്പിക്കാൻ കഴിയുന്ന ഒരു ക്യാമ്പസ് മൂവിയായി മാറുമെന്നാണ് അണിയറപ്രവർത്തകർ പ്രതീക്ഷിക്കുന്നത്.
ഹോസ്റ്റൽ പശ്ചാത്തലമായുള്ള ഈ ഹൊറർ കോമഡി ചിത്രം യുവതലമുറയെ ലക്ഷ്യമിട്ടുള്ള ഒരു ഫുൾ പാക്കേജ് സിനിമയായിരിക്കും. ഗണപതിയും സാഗർ സൂര്യയും അൽ അമീനുമാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്.
കൊച്ചിയിലെ ഒരു മെൻസ് ഹോസ്റ്റലും കണ്ണൂരുമാണ് ചിത്രത്തിന്റെ പ്രധാന പശ്ചാത്തലം. ഹോസ്റ്റൽ ജീവിതത്തിലെ രസകരമായ നിമിഷങ്ങളിലേക്കാണ് ഹൊറർ ഘടകങ്ങൾ കടന്നുവരുന്നത്. തമാശയും ഭയവും ഒരുമിച്ച് അനുഭവിപ്പിക്കുന്ന വ്യത്യസ്തമായ ഒരു സിനിമാറ്റിക് അനുഭവം തന്നെയാണ് ‘പ്രകമ്പനം’ ലക്ഷ്യമിടുന്നത്. ശീതൾ ജോസഫ് ആണ് ചിത്രത്തിലെ നായിക.
നവരസ ഫിലിംസും കാർത്തിക് സുബ്ബരാജിന്റെ സ്റ്റോൺ ബെഞ്ച് സ്റ്റുഡിയോയും ചേർന്നാണ് ചിത്രം അവതരിപ്പിക്കുന്നത്. ‘നദികളിൽ സുന്ദരി യമുന’യ്ക്ക് ശേഷം വിജേഷ് പാണത്തൂർ സംവിധാനം ചെയ്യുന്ന ഈ ചിത്രം, ശ്രീജിത്ത് കെ. എസ്, കാർത്തികേയൻ എസ്, സുധീഷ്. എൻ എന്നിവർ ചേർന്നാണ് നിർമ്മിക്കുന്നത്. കഥ സംവിധായകന്റേതും, തിരക്കഥയും സംഭാഷണവും നവാഗതനായ ശ്രീഹരി വടക്കനുടേതുമാണ്.
അമീൻ, കലാഭവൻ നവാസ്, രാജേഷ് മാധവൻ, മല്ലിക സുകുമാരൻ, അസീസ് നെടുമങ്ങാട്, പി. പി. കുഞ്ഞികൃഷ്ണൻ, ഗായത്രി സതീഷ്, ലാൽ ജോസ്, പ്രശാന്ത് അലക്സാണ്ടർ, സനീഷ് പല്ലി, കുടശ്ശനാട് കനകം എന്നിവരടങ്ങുന്ന വൻ താരനിരയും ചിത്രത്തിന്റെ മറ്റൊരു ആകർഷണമാണ്. മലയാളത്തിലെ പ്രമുഖ ഇൻഫ്ലുവൻസേഴ്സും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്.
സംഗീതം: ബിബിൻ അശോക്. പശ്ചാത്തല സംഗീതം: ശങ്കർ ശർമ്മ. ഛായാഗ്രഹണം: ആൽബി ആന്റണി. എഡിറ്റിംഗ്: സൂരജ് ഇ.എസ്. ആർട്ട് ഡയറക്ഷൻ: സുഭാഷ് കരുൺ. ചീഫ് അസോസിയേറ്റ് ഡയറക്ടർ: അംബ്രൂ വർഗീസ് പ്രൊഡക്ഷൻ കൺട്രോളർ: നന്ദു പൊതുവാൾ. ലൈൻ പ്രൊഡ്യൂസർ: അനന്തനാരായൺ. പ്രൊഡക്ഷൻ മാനേജേഴ്സ്: ശശി പൊതുവാൾ, കമലാക്ഷൻ. സൗണ്ട് ഡിസൈൻ: കിഷൻ മോഹൻ (സപ്ത). ഫൈനൽ മിക്സ്: എം. ആർ. രാജകൃഷ്ണൻ. ഡി. ഐ: രമേഷ് സി. പി. വി. എഫ്. എക്സ്: മെറാക്കി
വസ്ത്രാലങ്കാരം: സുജിത്ത് മട്ടന്നൂർ. മേക്കപ്പ്: ജയൻ പൂങ്കുളം. പി.ആർ.ഒ: മഞ്ജു ഗോപിനാഥ്. പബ്ലിസിറ്റി ഡിസൈൻ: യെല്ലോ ടൂത്ത്. സ്റ്റിൽസ്: ഷാഫി ഷക്കീർ, ഷിബി ശിവദാസ്. ഡിജിറ്റൽ മാർക്കറ്റിംഗ്: ഒബ്സ്ക്യൂറ എന്റർടൈൻമെന്റ്.
Content Highlights: 'Prakambanam' Unleashes Laughter, Scares, and Twists: A Horror-Comedy Extravaganza Arrives This Friday