മമ്മൂട്ടി ചിത്രം 'അമരം' റീ- റിലീസിന്; പക്ഷേ, കേരളത്തിലില്ല

റീ- റിലീസില്‍ തരംഗമാവാന്‍ മലയാളത്തില്‍നിന്ന് ഒരു ചിത്രം കൂടി. മമ്മൂട്ടി നായകനായ 'അമരം' ആണ് റീ- റിലീസിനൊരുങ്ങുന്നത്. അതേസമയം, ചിത്രം കേരളത്തില്‍ കാണാന്‍ കഴിയില്ല.

ഇന്ത്യയിലൊഴികെ ആഗോളവ്യാപകമായി ചിത്രം റീ- റിലീസ് ചെയ്യും. സൈബര്‍ സിസ്റ്റംസ് ഓസ്‌ട്രേലിയ ആണ് ചിത്രം റീ- റിലീസില്‍ പ്രദര്‍ശനത്തിനെത്തിക്കുന്നത്. 4K ദൃശ്യമികവിലും ഡോള്‍ബി അറ്റ്‌മോസ് ശബ്ദസാങ്കേതികവിദ്യയോടെയുമാണ് റീ- റിലീസ്.

മമ്മൂട്ടിയെ നായകനാക്കി ഭരതന്‍ സംവിധാനംചെയ്ത് 1991-ല്‍ പുറത്തിറങ്ങിയ ചിത്രമാണ് 'അമരം'. മാതു, മുരളി, അശോകന്‍, കെപിഎസി ലളിത, കുതിരവട്ടം പപ്പു എന്നിവര്‍ ചിത്രത്തില്‍ പ്രധാനവേഷങ്ങളിലെത്തി. എ.കെ. ലോഹിതദാസ് രചന നിര്‍വഹിച്ച ചിത്രത്തിന് സംഗീതമൊരുക്കിയത് രവീന്ദ്രനും പശ്ചാത്തലസംഗീതം ജോണ്‍സണുമായിരുന്നു.

Content Highlights: Iconic Mammootty starrer `Amaram` is set for a grand re-release worldwide in 4K & Dolby Atmos. Experience the classic, but not in Kerala theaters