കാരിക്കാമുറി ഷണ്മുഖനായി മമ്മൂട്ടി വീണ്ടും, പ്രകാശ് വർമ നായകനാകുന്ന Law And Order ട്രെയിലർ
തകർപ്പൻ ആക്ഷൻ രംഗങ്ങൾ, ഇമോഷണൽ ഡ്രാമാ, പ്രണയം, ചെറുപ്പത്തിൻ്റെ ചോരത്തിളപ്പുകൾ...... ഇതെല്ലാം ഒരുമിച്ചെത്തുകയാണ് ലോ ആൻഡ് ഓർഡറിൽ. 'തുടരും' ഫെയിം പ്രകാശ് വർമയെ കേന്ദ്ര കഥാപാത്രമാക്കി രഞ്ജിത്ത് സംവിധാനം ചെയ്യുന്ന ലോ ആന്റ് ഓർഡർ (LAW AND ORDER) എന്ന ചിത്രത്തിന്റെ ഒഫീഷ്യൽ ട്രെയിലർ റിലീസായി. പൂർണമായും ഒരു പൊലീസ് സ്റ്റോറി ത്രില്ലർ ജോണറിൽ അവതരിപ്പിക്കുന്ന ലോ ആന്റ് ഓർഡർ ഒരു റിയലിസ്റ്റിക്ക് ആക്ഷൻ ത്രില്ലർ കുടുംബ ചിത്രമാണെന്ന് ട്രെയിലർ ബോദ്ധ്യപ്പെടുത്തുന്നുണ്ട്. ബ്ലാക്ക് എന്ന ചിത്രത്തിലെ കാരിക്കാമുറി ഷൺമുഖനായി കാമിയോ കഥാപാത്രമായി മമ്മൂട്ടിയും എത്തുന്നുണ്ട്.
പ്രേഷകർക്ക് കൗതുകമുണർത്തുന്ന നിരവധി മുഹൂർത്തങ്ങൾ ഈ ചിത്രത്തിലുണ്ടാകും. വലിയ മുതൽമുടക്കിലെത്തുന്ന ചിത്രം സമീപകാലമലയാള സിനിമയിലെ റിയലിസ്റ്റിക്ക് ആക്ഷൻ ത്രില്ലർ മൂവിയായിരിക്കും. പ്രധാനമായും കൊച്ചിയുടെ പശ്ചാത്തലത്തിൽ അവതരിപ്പിക്കുന്ന ഈ ചിത്രത്തിൻ്റെ കഥാഗതിയിൽ മറ്റുചില സ്ഥലങ്ങൾക്കും നിർണ്ണായകമായ പങ്കുണ്ട്. കൊച്ചി, തിരുവനന്തപുരം, കോട്ടയം, വയനാട്, കണ്ണൂർ, എന്നിവിടങ്ങളിലായി തൊണ്ണൂറു ദിവസത്തോളം നീണ്ടു നിന്ന ചിത്രീകരണമാണ് ഈ ചിത്രത്തിനു വേണ്ടിവന്നത്. ആക്ഷന് ഏറെ പ്രാധാന്യമുള്ള ഈ ചിത്രത്തിൽ ദക്ഷിണേന്ത്യയിലെ മികച്ച ആക്ഷൻ കോറിയോഗ്രാഫേഴ്സ് ആയ, ഫീനിക്സ് പ്രഭു, പി.സി. സ്റ്റണ്ട്സ്, മാഫിയാ ശശി എന്നിവരാണ് സംഘട്ടനങ്ങളൊരുക്കിയിരിക്കുന്നത്.
സെപ്റ്റംബർ പതിനെട്ടിന് പ്രദർശനത്തിനെത്തുന്ന ഈ ചിത്രത്തിൽ അഭിരാമി, ഋതുദേവ് അയ്യപ്പൻ, ഷനൂദ് ഇബ്രാഹിം, ഡോൺ മൈക്കിൾ, സജൽ സുദർശനൻ, നിജാദ് ബാബു തോമസ്, ഷേർഷ ഷെരീഫ്, റിനോഷ് ജോർജ്ജ്, അമൽ ജോസ് ആന്റണി, ബോബി കുര്യൻ, വി. കെ പ്രകാശ്, ദേവൻ, സുരേഷ് കൃഷ്ണ, ആനന്ദ് മന്മഥൻ, ജോയ് മാത്യു, ഭീമൻ രഘു, ജെയ്സ്, അസീം ജമാൽ, ജോണി ആന്റണി, അജയ് വാസുദേവ്, അക്ഷയ് രാധാകൃഷ്ണൻ, ശങ്കർ രാമകൃഷ്ണൻ, നന്ദൻ ഉണ്ണി, മോഹൻ ജോസ്, മാധുരി, സാബു മോൻ, ഗുണ്ട്കാട് സാബു, നന്ദു, മുരുകൻ, സന്ധ്യാ രാജേന്ദ്രൻ, വൈഷ്ണവി, രമാദേവി, അംബിക നായർ തുടങ്ങിയവരാണ് ഈ ചിത്രത്തിലെ പ്രമുഖ താരങ്ങൾ.
സത്യം സിനിമാസ്, മഹാ സുബൈർ മൂവീക്ഷേത്ര എന്നി ബാനറിൽ പ്രേമചന്ദ്രൻ എ.ജി, മഹാസുബൈർ എന്നിവർ ചേർന്ന് നിർമ്മിക്കുന്ന ഈ ചിത്രത്തിൻ്റെ ഛായാഗ്രഹണം പ്രശാന്ത് രവീന്ദ്രൻ നിർവഹിക്കുന്നു. കഥ, തിരക്കഥ, സംഭാഷണം ഉദയ് കൃഷ്ണ എഴുതുന്നു. ഷിബു ചക്രവർത്തിയുടെ വരികൾക്ക് ജോ ഡാനിയൽ സംഗീതം പകരുന്നു. കപിൽ കപിലൻ, റ്റോജൻ റ്റോബി, അനില രാജീവ് എന്നിവരാണ് ഗായകർ.
പശ്ചാത്തല സംഗീതം-ബിജിബാൽ, എഡിറ്റർ-മനോജ് കണ്ണോത്ത്, ലൈൻ പ്രൊഡ്യൂസർ-സുനിൽ സിങ്, എക്സിക്യൂട്ടീവ് പ്രൊഡ്യൂസർ-അതുൽ പ്രേം, സൈനുദ്ദീൻ, പ്രൊഡക്ഷൻ കൺട്രോളർ -പ്രശാന്ത് നാരായണൻ, പ്രൊഡക്ഷൻ ഡിസൈൻ-സാബുറാം, വസ്ത്രാലങ്കാരം-സമീറ സനീഷ്, മേക്കപ്പ്-റോഷൻ എൻ ജി, സ്റ്റിൽസ്-പ്രേംലാൽ പട്ടാഴി, പോസ്റ്റർ ഡിസൈൻ- ആന്റണി സ്റ്റീഫൻ, അസ്സോസിയേറ്റ് ഡയറക്ടർ-ബോസ് വി, കാസ്റ്റിങ്ങ് ഡയറക്ടർ-ശാലിനി, പ്രൊഡക്ഷൻ എക്സിക്യൂട്ടീവ്-പ്രസാദ് നമ്പ്യാങ്കാവ്, ശബ്ദമിശ്രണം-വിഷ്ണു സുജാതൻ, സൗണ്ട് ഡിസൈനർ- കിഷൻ സപ്താ, നൃത്തസംവിധാനം-ഷെരീഫ്, അർച്ചന, സംഘട്ടനം-കലൈ കിങ്സ്റ്റൺ, ഫീനിക്സ് പ്രഭു, മാഫിയ ശശി, പി.സി സ്റ്റണ്ട്സ്.
സംസ്ഥാനത്ത് ക്രമസമാധാനം സംരക്ഷിക്കാൻ നിയോഗിക്കപ്പെട്ട അഞ്ച് ചെറുപ്പക്കാരായ എസ്ഐ മാരുടേയും അവരെ നയിക്കുന്ന ഒരു പൊലീസ് ഓഫീസറുടെയും സംഘർഷഭരിതമായ ഔദ്യോഗിക ജീവിത മുഹൂർത്തങ്ങൾ, ആക്ഷന് ഏറെ പ്രാധാന്യം നൽകി മാസ് എൻ്റെർടൈനറായി അവതരിപ്പിക്കുന്ന ചിത്രമാണ് ലോ ആന്റ് ഓർഡർ. പി.ആർ. ഓ - വാഴൂർ ജോസ്
Content Highlights: The official trailer of director Ranjith's police action thriller Law and Order, starring Prakash Varma and featuring a special cameo by Mammootty reviving his iconic character Karikkamuri Shanmughan, has been released ahead of its theatrical debut on September 18.