നടിയെ ആക്രമിച്ച കേസ്: വിചാരണ വൈകുന്നെന്ന പരാതിയിൽ റിപ്പോർട്ട് തേടി

കൊച്ചി: നടിയെ ആക്രമിച്ചകേസിൽ എറണാകുളം പ്രിൻസിപ്പൽ ജില്ലാ സെഷൻസ് കോടതിയിൽ വിചാരണനടപടികൾ നീളുന്നതായുള്ള പരാതിയെത്തുടർന്ന് ഹൈക്കോടതി റിപ്പോർട്ട് തേടി. ജില്ലാ ജുഡീഷ്യറിയുടെ ചുമതലയുള്ള രജിസ്ട്രാർ ആണ് റിപ്പോർട്ട് തേടിയത്. മാധ്യമപ്രവർത്തകൻ എം.ആർ. അജയൻ നൽകിയ പരാതിയിലാണ് നടപടി.

2018 മാർച്ചിൽ ആരംഭിച്ച വിചാരണ അന്തിമഘട്ടത്തിലാണ്. പൾസർ സുനി, നടൻ ദിലീപ് ഉൾപ്പെടെയുള്ളവരാണ് പ്രതികൾ.

Content Highlights: High Court seeks report on the slow trial of the Kochi actress attack case