കാട്ടാളനെതിരേ സംഘടിത ഡീഗ്രേഡിങ്?; റേറ്റിങ് നിർത്തിവെച്ച് ബുക്ക് മൈ ഷോ

കാട്ടാളൻ സിനിമയുടെ ബുക്ക്‌മൈഷോ റേറ്റിങ് അപ്രതീക്ഷിതമായി ഡിസേബിൾ ചെയ്ത നടപടി സിനിമാ മേഖലയിൽ ചർച്ചയാകുന്നു. റിലീസിന് പിന്നാലെ ചിത്രത്തിനെതിരെ ഒരേ സ്വഭാവത്തിലുള്ള വലിയ തോതിലുള്ള നെഗറ്റീവ് റിവ്യൂകളും റേറ്റിങ്ങുകളും പ്രത്യക്ഷപ്പെട്ടിരുന്നു.

ഇതിനിടെയാണ് ബുക്ക്‌മൈഷോ കാട്ടാളന്റെ റേറ്റിങ് ഡിസേബിൾ ചെയ്തിരിക്കുന്നത്. സിനിമയ്‌ക്കെതിരെ നടന്നതായി ആരോപിക്കപ്പെടുന്ന സംഘടിത ഡീഗ്രേഡിങ് പ്രവർത്തനങ്ങളുമായി ബന്ധപ്പെട്ട ആശങ്കകൾക്ക് ശക്തിപകരുന്നതായാണ് നടപടിയെ വിലയിരുത്തപ്പെടുന്നത്.

ഒരു സിനിമയുടെ യഥാർഥ പ്രേക്ഷക പ്രതികരണത്തെ സ്വാധീനിക്കുന്ന തരത്തിൽ ഫേക്ക് അല്ലെങ്കിൽ അസ്വാഭാവിക റിവ്യൂ പ്രവർത്തനങ്ങൾ നടന്നിട്ടുണ്ടോ എന്ന ചോദ്യവും ഇതോടെ ഉയരുന്നുണ്ട്. സാമൂഹ്യമാധ്യമങ്ങളിലും വിവിധ ഓൺലൈൻ പ്ലാറ്റ്‌ഫോമുകളിലും ചിത്രത്തിനെതിരെ ഒരേ രീതിയിലുള്ള പ്രതികരണങ്ങൾ വ്യാപകമായി പ്രചരിച്ചിരുന്നതും ശ്രദ്ധേയമാണ്.

പ്രേക്ഷക പിന്തുണയോടെ തിയേറ്ററുകളിൽ മികച്ച പ്രതികരണം നേടി മുന്നേറുന്ന കാട്ടാളനെതിരെ നടന്ന സംഭവവികാസങ്ങളുടെ പശ്ചാത്തലത്തിൽ, ബുക്ക്‌മൈഷോയുടെ ഈ നടപടി വലിയ പ്രാധാന്യത്തോടെയാണ് സിനിമാ ലോകം കാണുന്നത്. യഥാർഥ പ്രേക്ഷകരുടെ അഭിപ്രായങ്ങളാണ് ഒരു സിനിമയുടെ അന്തിമ വിലയിരുത്തൽ നിർണയിക്കേണ്ടതെന്നും, എല്ലാവരും തിയേറ്ററുകളിൽ എത്തി കാട്ടാളൻ കണ്ട ശേഷം സ്വന്തം അഭിപ്രായം രൂപീകരിക്കണമെന്നും അണിയറ പ്രവർത്തകർ അഭ്യർഥിച്ചു.

Content Highlights: BookMyShow disabled rating feature for the movie Kattalan. The move follows an influx of suspicious and repetitive negative reviews. Producers suspect an organized campaign of online degrading. The film is currently performing well in theaters despite the online controversy. Producers urge audiences to watch the film and form their own opinions