പ്രഥമ ഷാഫി മെമ്മോറിയൽ പുരസ്കാരം സംവിധായകൻ ജിതിൻ കെ. ജോസിന്

കൊച്ചി: അന്തരിച്ച സംവിധായകൻ ഷാഫിയുടെ സ്മരണാർത്ഥം ഷാഫി സ്മാരക ട്രസ്റ്റ് ഏർപ്പെടുത്തിയ പ്രഥമ ഷാഫി മെമ്മോറിയൽ അവാർഡ് ‘കളങ്കാവൽ’ സിനിമയുടെ സംവിധായകൻ ജിതിൻ കെ. ജോസിന്. 50,000 രൂപയും പ്രശംസാപത്രവും ശിൽപവുമടങ്ങിയതാണ് അവാർഡ്.

സംവിധായകൻ മെക്കാർട്ടിൻ ചെയർമാനും, സംവിധായകരായ എം. പദ്മകുമാർ, സുഗീത് എന്നിവർ അംഗങ്ങളുമായ ജൂറിയാണ് ജേതാവിനെ തെരഞ്ഞെടുത്തത്. എല്ലാ വർഷവും മലയാള സിനിമയിലെ മികച്ച നവാഗത സംവിധായകന് അവാർഡ് നൽകുമെന്ന് ട്രസ്റ്റ് അറിയിച്ചു. 

ജനുവരി 27-ന് വൈകിട്ട് 6.30-ന് എറണാകുളം പ്രൊഡ്യൂസേഴ്‌സ് അസോസിയേഷൻ ഹാളിൽ നടക്കുന്ന ചടങ്ങിൽ അവാർഡ് കൈമാറും. ഷാഫിയുടെ കുടുംബവും സുഹൃത്തുക്കളും ഒത്തുചേരുന്ന ചടങ്ങിൽ പ്രമുഖ സിനിമാ പ്രവർത്തകർ പങ്കെടുക്കും.

Content Highlights: Director Jithin K. Jose receives the inaugural Shafi Memorial Award for his film Kalankaaval. Award includes ₹50,000, citation, and sculpture. Recognizing best debut Malayalam director annually.