അരുവി ഹിന്ദിയിലേക്ക്, അദിഥി ബാലന്റെ വേഷത്തിൽ ഫാത്തിമ സന ഷെയ്ഖ്

അദിഥി ബാലൻ നായികയായെത്തിയ തമിഴ് ചിത്രം അരുവി ഹിന്ദിയിലേക്ക് റീമേയ്ക്ക് ചെയ്യുന്നു. ഇ.നിവാസ് സംവിധാനം ചെയ്യുന്ന ചിത്രത്തിൽ ഫാത്തിമ സന ഷെയ്ഖ് നായികയാകും. 2021 പകുതിയോടെ ചിത്രീകരണമാരംഭിക്കും. മറ്റ് കഥാപാത്രങ്ങളെക്കുറിച്ചുള്ള വിവരങ്ങൾ പിന്നീട് പുറത്ത് വിടും.

തമിഴിൽ ഏറെ നിരൂപക-പ്രേക്ഷക പ്രശംസ നേടിയ ചിത്രമായിരുന്നു അരുവി. അരുൺ പ്രഭു പുരുഷോത്തമൻ സംവിധാനം ചെയ്ത ചിത്രത്തിൽ അരുവി എന്ന കഥാപാത്രമായെത്തിയ അദിഥിയുടെ പ്രകടനം ഏറെ ശ്ര​ദ്ധ നേടി. ചിത്രത്തിന്റെ തിരക്കഥയും അരുണിന്റെത് തന്നെയായിരുന്നു. 2017-ലാണ് ചിത്രം പുറത്തിറങ്ങിയത്.

ദം​ഗൽ എന്ന ആമിർ ഖാൻ ചിത്രത്തിലൂടെ ശ്ര​ദ്ധ നേടിയ താരമാണ് ഫാത്തിമ സന ഷെയ്ഖ്. അരുവി റീമെയ്ക്കിന്റെ ഭാ​ഗമാവാൻ കഴിഞ്ഞതിൽ ഏറെ സന്തോഷമുണ്ടെന്ന് ഫാത്തിമ പ്രതികരിച്ചു.

Content Highlights :Fatima Sana Shaikh to star in Hindi remake of Tamil hit Aruvi Starred by Aditi Balan

Content Highlights: