ഡോ. ഡൂമിനെ നേരിടാൻ മാർവൽ സൂപ്പർ ഹീറോസ്; അവഞ്ചേഴ്സ്: ഡൂംസ്ഡേ ട്രെയിലർ പുറത്ത്

മാർവൽ സിനിമാറ്റിക് യൂണിവേഴ്‌സ് (എം.സി.യു) ആരാധകർ ഏറെ പ്രതീക്ഷയോടെ കാത്തിരുന്ന 'അവഞ്ചേഴ്‌സ്: ഡൂംസ്ഡേ' സിനിമയുടെ ട്രെയിലർ പുറത്തുവന്നു. മാർവൽ മൾട്ടിവേഴ്‌സിലെ സൂപ്പർ ഹീറോകളെല്ലാം ചിത്രത്തിൽ അണിനിരക്കുന്നു. മാർവലിലേക്കുള്ള തിരിച്ചുവരവിൽ റോബർട്ട് ഡൗണി ജൂനിയറാണ് ഡോ. ഡൂം ആയി വേഷമിടുന്നത്.

ക്രിസ് ഈവൻസ്, ക്രിസ് ഹെംസ്വർത്ത്, പെഡ്രോ പാസ്‌കൽ, പോൾ റൂഡ്, ആന്റണി മാക്കി, ഫ്‌ലോറൻസ് പ്യൂ, വനേസ കിർബി, എബൺ മോസ്-ബാക്രാക്ക്, വ്യാറ്റ് റസ്സൽ, ചാനിങ് ടാറ്റം, സിമു ലിയു, ഇയാൻ മക്കെല്ലൻ, ടോം ഹിഡിൽസ്റ്റൺ, ജെയിംസ് മാർസ്‌ഡെൻ, പാട്രിക് സ്റ്റുവർട്ട്, ജോസഫ് ക്വിൻ, സെബാസ്റ്റ്യൻ സ്റ്റാൻ, ഡേവിഡ് ഹാർബർ, ലെറ്റീഷ്യ റൈറ്റ്, ലൂയിസ് പുൾമാൻ, കെൽസി ഗ്രാമർ, കാതറിൻ ന്യൂട്ടൺ, ഡാനി റാമിറെസ്, വിൻസ്റ്റൺ ഡ്യൂക്ക്, അലൻ കമ്മിങ്, ഹന്ന ജോൺ-കാമൻ, റബേക്ക റോമിൻ തുടങ്ങി വമ്പൻ താരനിരയാണ് അണിനിരക്കുന്നത്. ഡിസംബർ 18-നാണ് 'അവഞ്ചേഴ്‌സ്: ഡൂംസ്ഡേ' ഇന്ത്യയിൽ റിലീസ് ചെയ്യുന്നത്. ഇംഗ്ലീഷ്, ഹിന്ദി, തമിഴ്, തെലുങ്ക് എന്നീ ഭാഷകളിൽ ചിത്രം ലഭ്യമാകും.

ആന്റണി റൂസോയും ജോ റൂസോയും (റൂസോ ബ്രദേഴ്‌സ്) ചേർന്നാണ് ചിത്രം സംവിധാനം ചെയ്യുന്നത്. ട്രെയിലറിന് പുറമെ ചിത്രത്തിന്റെ പുതിയ പോസ്റ്ററും മാർവൽ പങ്കുവെച്ചിട്ടുണ്ട്.

Content Highlights: Marvel Studios has officially released the trailer and new poster for the highly anticipated film 'Avengers: Doomsday'. Robert Downey Jr. makes a massive return to the Marvel Cinematic Universe, taking on the iconic villainous role of Doctor Doom