എന്റെ ആത്മാവാണ് പറന്നകന്നത്; ഇനി ഈ ശരീരം മാത്രം ബാക്കി

ഓര്‍മ്മയില്‍ ആ കോമാളി പാടിക്കൊണ്ടേയിരിക്കുന്നു, അഞ്ചരപ്പതിറ്റാണ്ടിനിപ്പുറവും. വെറും കോമാളിയല്ല, ഇന്ത്യക്കാര്‍ മുഴുവന്‍ സ്‌നേഹിച്ച, ആരാധിച്ച, ഹൃദയത്തോട് ചേര്‍ത്തുവെച്ച ഇതിഹാസതുല്യനായ കോമാളി:

'ജീനാ യഹാം മര്‍നാ യഹാം, ഇസ്‌കെ സിവാ ജാനാ കഹാം, ജീ ചാഹേ  ജബ് ഹംകോ ആവാസ് ദോ, ഹം ഹേ വഹീ ഹം ഥേ ജഹാം, അപ്‌നേ യഹി ദോനോം ജഹാം, ഇസ്‌കെ സിവാ ജാനാ കഹാം...''   ജീവിതവും മരണവും ഇവിടെ തന്നെ; മറ്റെങ്ങു പോകാനാണ് ഞാന്‍? കാണാന്‍ തോന്നുമ്പോള്‍ വിളിച്ചോളൂ. ഇവിടെത്തന്നെയുണ്ടാകും ഞാന്‍; എന്റെ രണ്ടു ലോകവും ഇതാണല്ലോ...'മേരാ നാം ജോക്കറി'ല്‍ (1970) രാജ് കപൂറിന് വേണ്ടി മുകേഷ് പാടി അനശ്വരമാക്കിയ ഗാനം. തീര്‍ന്നില്ല. പാട്ടിന്റെ അടുത്ത വരികളിലാണ് രാജിന്റെ ആത്മാംശം കൂടുതല്‍ കലര്‍ന്നിട്ടുള്ളതെന്നു തോന്നും ചിലപ്പോള്‍:
 
'കല്‍ ഖേല്‍ മേ ഹം ഹോ ന ഹോ, ഗര്‍ദിഷ് മേ താരേ രഹേംഗേ സദാ, ഭൂലോഗെ തും ഭൂലേംഗെ വോ, പർ ഹം തുംഹാരേ രഹേംഗെ സദാ...'' നാളെ ഈ കളിക്കളത്തില്‍ ഞാന്‍ ഉണ്ടായാലും ഇല്ലെങ്കിലും ആകാശത്തില്‍ താരകള്‍ മിന്നിക്കൊണ്ടിരിക്കും, നീയും അവരുമൊക്കെ എന്നെ മറന്നിട്ടുണ്ടാകാം; അപ്പോഴും ഞാന്‍ നിനക്കൊപ്പമുണ്ടാകും...

Content Highlights: Raj Kapoor`s Timeless Music & Legacy