പരിവർത്തനം സംഗീതത്തിലൂടെ...! വയലിന് സംഗീതത്തിലെ മനോജ് ജോര്ജ് എന്ന മാന്ത്രികന് | അഭിമുഖം
സംഗീതത്തിന് ശിലകളെപ്പോലും അലിയിക്കാനാകുമെന്ന് പറയാറുണ്ട്. ശിലകളേക്കാൾ ഉറപ്പുള്ളതിനേയും സംഗീതത്തിന് അലിയിക്കാനാകുമെന്ന് മനോജ് ജോര്ജ് എന്ന സംഗീതജ്ഞന്റെ വയലിന് ഈണങ്ങള് കേള്ക്കുമ്പോള് നമുക്ക് തോന്നുന്നതില് ഒട്ടും അതിശയമില്ല. ലോകത്തിന്റെ വിഭിന്ന ഭാഗങ്ങളിലെ വ്യത്യസ്തരും പ്രമുഖരുമായ നിരവധി സംഗീതപ്രതിഭകള്ക്കൊപ്പം പ്രവര്ത്തിച്ച മനോജ് ജോര്ജ് ഇന്ത്യയില്നിന്ന് ഗ്രാമി അവാര്ഡ് മൂന്നു തവണ നേടിയ റിക്കി കെജിനൊപ്പം പുരസ്കൃതമായ രണ്ട് ആല്ബങ്ങളിലും പങ്കാളിയാകുകയും ചെയ്തു. മലയാളത്തിലും കന്നഡയിലുമായി ചലച്ചിത്ര സംഗീതസംവിധായകനായി പ്രവര്ത്തിച്ച മനോജ് നിരവധി സ്വതന്ത്രസംഗീത ആല്ബങ്ങള്ക്കും ഈണമിട്ടു. മലയാളിസംഗീതപ്രണയികള്ക്ക് ഒരു പക്ഷെ മനോജ് ജോര്ജിനെ ഏറെ പരിചയം വാചാലം എന് മൗനവും എന്ന ഗാനത്തിന്റെ കവര് വേര്ഷനിലൂടെയാകും. പുതിയ മലയാള ചിത്രമായ റാണി ചിത്തിര മാര്ത്താണ്ഡ എന്ന സിനിമയില് ഒരിടവേളയ്ക്ക് ശേഷം മനോജ് സംഗീതസംവിധാനം നിര്വഹിച്ചിരിക്കുകയാണ്. ചിത്രത്തിലെ റിലീസായ ഗാനങ്ങള് ഇതിനകം തന്നെ ഹിറ്റ് ചാര്ട്ടില് ഇടം നേടിക്കഴിഞ്ഞു. മനോജ് ജോര്ജിന്റെ കൂടുതല് വിശേഷങ്ങളിലേക്ക്...
Content Highlights: Manoj George Violonist And Music Composer Interview