ലാല്‍ പറഞ്ഞു: എത്രയോ സുഹൃത്തുക്കളുടെ ഹലോ ട്യൂണാണ്, മനസ്സിനെ സ്പര്‍ശിക്കുന്ന എന്തോ അതിലുണ്ട്

എറണാകുളത്തെ ചേതന സ്റ്റുഡിയോയിലെ റെക്കോര്‍ഡിംഗിന് ശേഷം ഉണ്ണിമേനോന്‍ വിളിച്ചത് എനിക്കോര്‍മ്മയുണ്ട്. ``നല്ലൊരു പാട്ട് പാടി ഇന്ന്. നല്ല ഫീലുള്ള പാട്ട്. മനസ്സിന്റെ ഏതൊക്കെയോ കോണുകളില്‍ ചെന്നു കൊള്ളുന്ന വരികളും സംഗീതവും. പക്ഷേ ചെറിയൊരു ദുഖച്ഛായയുണ്ട്. ജനങ്ങള്‍ എത്രകണ്ട് സ്വീകരിക്കും എന്നറിയില്ല.''- ഉണ്ണി പറഞ്ഞു.

എന്നാല്‍, എല്ലാ ആശങ്കകളും കാറ്റില്‍പറത്തി മരണമെത്തുന്ന നേരം ചരിത്രത്തിലേക്ക് ചിറകടിച്ചുയരുന്നതാണ് പിന്നീട് കണ്ടത്. 'പതുക്കെ നീറിപ്പടര്‍ന്ന പാട്ടായിരുന്നു അത്.''- സംവിധായകന്‍ രഞ്ജിത്ത്. 'എനിക്ക് തോന്നുന്നു പണ്ഡിതപാമരഭേദമന്യേ ആ പാട്ടിനെ മലയാളികളുടെ ഹൃദയത്തോട് അടുപ്പിച്ചത് വരികള്‍ തന്നെയാണെന്ന്. മറ്റെല്ലാ ഘടകങ്ങള്‍ക്കും മുകളില്‍ നില്‍ക്കുന്നു അതിലെ കവിത.'' പാട്ടിറങ്ങി കുറച്ചു നാള്‍ കഴിഞ്ഞു മോഹന്‍ലാല്‍ അത്ഭുതത്തോടെ ഫോണ്‍ വിളിച്ചത് ഓര്‍മ്മയുണ്ട്. 'ഞാനറിയുന്ന എത്രയോ സുഹൃത്തുക്കളുടെ ഹലോ ട്യൂണ്‍ ഈ പാട്ടാണ്.'' - ലാല്‍ പറഞ്ഞു. 'മനസ്സിനെ സ്പര്‍ശിക്കുന്ന എന്തോ ആ പാട്ടിലുണ്ടെന്നാണ് എല്ലാവരും പറയുന്നത്.''

Content Highlights: Explore the story behind the iconic Malayalam song `Marana Menzhathil` by Unni Menon. Discover its profound message of love and its enduring impact.