ചിരിയുടെ തമ്പുരാൻ അന്ന് കരയിച്ചു

ബഹദൂർക്ക മഹാറാണിയിലുണ്ടെന്നും വന്നാൽ കാണാമെന്നും വിളിച്ചുപറഞ്ഞത് സുഹൃത്തായ ഹോട്ടൽ റിസപ്‌ഷനിസ്റ്റാണ്. ത്രില്ലടിച്ചുപോയി ശരിക്കും. ജീവിതത്തിലൊരിക്കലെങ്കിലും നേരിൽ കാണാനാഗ്രഹിച്ച വ്യക്‌തിയിതാ കയ്യെത്തും ദൂരെ.

ഓർമ്മയിലുള്ള ആദ്യ ചലച്ചിത്രരംഗം പോലും ബഹദൂർക്കയുടേതാണ്. 'മിടുമിടുക്കി'യിൽ പൈനാപ്പിൾ പോലൊരു പെണ്ണ് എന്ന പാട്ട് പാടി സൈക്കിൾ ചവിട്ടുന്ന പൂവാലൻ. ഒടുവിൽ നിയന്ത്രണം നഷ്ടപ്പെട്ട സൈക്കിളുമായി ബഹദൂർക്ക ചെന്ന് പുഴയിൽ വീഴുമ്പോൾ കോട്ടക്കൽ രാധാകൃഷ്ണ ടാക്കീസിലെ കസേരയിലിരുന്ന് പൊട്ടിപ്പൊട്ടിച്ചിരിച്ച ആ എൽ പി സ്കൂൾ കുട്ടി ഒരിക്കലും പൂർണമായി ഒഴിഞ്ഞുപോവില്ലല്ലോ മനസ്സിൽ നിന്ന്. സുഖമുള്ള ഒരു ബഹദൂർ ബാധ.

Content Highlights: A journalist`s unforgettable meeting with legendary Malayalam actor Bahadur, filled with laughter