ഒഡീസി എങ്ങനെ തിരശ്ശീലയിലെ വിസ്മയമായി മാറുന്നു? നോളൻ വ്യത്യസ്തനാകുന്നതെവിടെ?

വർത്തമാനകാലത്ത് ഒഡീസി പോലെ ഒരു ബ്രഹ്മാണ്ഡ പടം പിടിക്കുക എന്നത് വിസ്മയകരം മാത്രമല്ല വേറെ ദുഷ്കരവും അതികഠിനമായ ഒരു യജ്ഞവും കൂടിയാകുന്നു. അവിടെയാണ് ക്രിസ്റ്റഫർ നോളൻ എന്ന ബ്രിട്ടീഷ് സംവിധായകൻ വ്യത്യസ്തനാകുന്നത്. അനുകരിക്കാനാവാത്ത, സ്വന്തം പാതയിൽ സഞ്ചരിക്കുന്ന, ഭാവനയുടെ ഉത്തുംഗത്തിൽ വിവരിക്കുന്ന, സമശീർഷരില്ലാത്ത സംവിധായകനാണ് ക്രിസ്റ്റഫർ നോളൻ. സയൻസ് ചിത്രങ്ങളിലൂടെ ശ്രദ്ധ നേടിയ അദ്ദേഹം ചെയ്ത അതിശക്തമായ ബയോപിക് ഓപ്പൺഹൈമർ വന്നതിനുശേഷം ആസ്വാദകരെയും ആരാധകരെയും അത്ഭുതപരതന്ത്രരാക്കുകയാണ് ഐതിഹാസിക മാനമുള്ള ഒഡീസിയിലൂടെ.
അനുപമ ചോപ്രയുമായുള്ള അഭിമുഖത്തിൽ നോളൻ പറഞ്ഞത് ഫിലിം ഈസ് നോട്ട് ടു ഡയമെൻഷനൽ ഇറ്റീസ് ത്രീ ഡയമെൻഷനൽ എന്നാണ്. മാസങ്ങളുടെ കഠിനാധ്വാനത്തിന്റെ ഫലമായി സഫലീകരിക്കപ്പെട്ട ഒഡീസി പ്രദർശനത്തന് എത്തിയപ്പോൾ നോളൻ പറഞ്ഞു, "മൂന്നു കൊല്ലത്തിന് ഇനി പടം ഒന്നും ചെയ്യുന്നില്ല". ഇതിനുശേഷം ഒരു വിശ്രമം അദ്ദേഹത്തിന്റെ അത്യന്താപേക്ഷിതമായി തോന്നി. ഗ്രാഫിക്സ് കഴിയുന്നതും ഒഴിവാക്കി യഥാർത്ഥ ചിത്രീകരണത്തിന് പ്രാമുഖ്യം നൽകുന്നതാണ് നോളന്റെ രീതി. ഓപ്പൺഹൈമറിലെ അണുബോംബ് സ്ഫോടനം പോലും രാസപദാർത്ഥങ്ങൾ കൊണ്ട് സൃഷ്ടിക്കുകയാണ് നോളൻ ചെയ്തത്.
Content Highlights: Master filmmaker Christopher Nolan presents a groundbreaking non-linear cinematic adaptation of Homer’s ancient Greek epic The Odyssey, starring Matt Damon as Odysseus and shot on original 70mm IMAX cameras without heavy reliance on computer graphics.