ആക്ടർ എന്ന്‌ പറയാന്‍ യോഗ്യതയില്ലാത്ത വ്യക്തിയായിട്ടേ ഞാന്‍ എന്നെ കാണാറുള്ളൂ- അജു വര്ഗീസ്
കോവിഡ് കാലത്ത് ഒ.ടി.ടി. പ്ലാറ്റ്‌ഫോമുകളുടെ അപ്രമാദിത്തം വര്‍ധിച്ചതോടെയാണ് വെബ് സീരീസുകളുടെ ജനപ്രീതി മുന്‍പത്തേക്കാളേറെ വര്‍ധിച്ചത്, പ്രത്യേകിച്ച് ഇന്ത്യയില്‍. വിദേശ വെബ് സീരീസുകള്‍ക്ക് രാജ്യത്ത് ലഭിക്കുന്ന സ്വീകാര്യത കണ്ടുകൊണ്ടു തന്നെയായിരിക്കണം ഹിന്ദിയിലും മറ്റു പ്രദേശിക ഭാഷകളിയിലും ഒരുപാട് പേര്‍ ഈ മേഖലയിലേക്ക് ധൈര്യമായി മുന്നോട്ടു വന്നത്. മലയാളത്തിലേക്ക് വരുമ്പോള്‍ യൂട്യൂബ് എന്ന പ്ലാറ്റ്‌ഫോമിനെ ആശ്രയിച്ചാണ് ഭൂരിഭാഗവും നിര്‍മിക്കപ്പെട്ടത്. അതില്‍ ഒട്ടുമുക്കാലും നര്‍മത്തിന് പ്രധാന്യം നല്‍കി കൊണ്ടുള്ളവയായിരുന്നു. അതില്‍നിന്ന് വ്യത്യസ്തമായി ഡിസ്നി പ്ലസ് ഹോട്ട്സ്റ്റാറിലൂടെ കേരള ക്രൈം ഫയല്‍സ് എന്ന ഇന്‍വെസ്റ്റിഗേഷന്‍ ത്രില്ലര്‍ ജൂണ്‍ 23-ന് റിലീസ് ചെയ്യുകയാണ്. ആഷിക് അയ്മറുടെ തിരക്കഥയില്‍ അഹമ്മദ് കബീറാണ് സീരീസ് സംവിധാനം ചെയ്യുന്നത്. അജു വര്‍ഗീസും ലാലുമാണ് പ്രധാന താരങ്ങള്‍.
അന്വേഷണ ഉദ്യോഗസ്ഥനായ സി.ഐ. മനോജ് എന്ന കഥാപാത്രത്തെയാണ് അജു വര്ഗീസ് അവതരിപ്പിക്കുന്നത്. ഒരു പതിറ്റാണ്ടിലേറെ സിനിമയില്‍ സജീവമായി നില്‍ക്കുന്ന അജു വര്ഗീസ്, ഇതുവരെ ചെയ്ത കഥാപാത്രങ്ങളില്‍നിന്ന് ഏറെ വ്യത്യസ്തമാണ് 'കേരള ക്രൈം ഫയല്‍സി'ലേത്. അഭിനയജീവിതത്തിൽ ഒരു മാറ്റത്തിന്റെ പാതയിലൂടെ സഞ്ചരിക്കുകയാണ് അജു വര്ഗീസ്. ഒരുപാട് സിനിമകള്‍ എന്ന ലക്ഷ്യത്തിനപ്പുറം ഒരു നല്ല നടനെന്ന നിലയില്‍ തന്നെ അടയാളപ്പെടുത്താനുള്ള ശ്രമത്തിലാണ് താനെന്ന് അദ്ദേഹം പറയുന്നു. 'കേരള ക്രൈം ഫയല്‍സി'ന്റെ റിലീസുമായി ബന്ധപ്പെട്ട് മാതൃഭൂമി ഡോട്ട്കോമിനോട് അജു വര്ഗീസ് സംസാരിക്കുന്നു. ഒപ്പം മറ്റു വിശേഷങ്ങളിലേക്കും.
Content Highlights: aju varghese interview, Kerala Crime Files we series, investigation thriller, aju Varghese films