വിപണി ആകാംക്ഷയില്: ഒന്നാം പാദഫലങ്ങളും അമേരിക്കന് വ്യാപാര കരാറും നിര്ണ്ണായകം
പ്രതീക്ഷകളോടെയാണ് നടപ്പ് സാമ്പത്തിക വര്ഷത്തെ ഒന്നാം പാദത്തിലേക്ക് ഓഹരി വിപണി പ്രവേശിച്ചത്. മികച്ച നാലാം പാദ ഫലങ്ങളും ഉയര്ന്ന വരുമാന കണക്കുകൂട്ടലുകളുമായിരുന്നു അതിനു പ്രേരണയായത്. തുടക്കത്തില് നാലാം പാദത്തിലും നിക്ഷേപകര്ക്ക് വലിയ സങ്കല്പങ്ങളുണ്ടായിരുന്നില്ല. അതിന് കാരണം വരുമാന വളര്ച്ചാ പ്രതീക്ഷ അഞ്ച് ശതമാനത്തില് താഴെയാകുമെന്ന പ്രവചനമായിരുന്നു. എന്നാല് യഥാര്ത്ഥ വരുമാന വളര്ച്ചാ നിരക്ക് ഇതിനേക്കാളൊക്കെ ഉയര്ന്ന നിലയില് 10 മുതല് 12 ശതമാനം വരെ എത്തിച്ചേരുകയും അത് പുതിയ സാമ്പത്തിക വര്ഷത്തിലേക്ക് (FY 26) കൂടുതല് മെച്ചപ്പെട്ട ഫലങ്ങളുണ്ടാകുമെന്ന പ്രത്യാശക്ക് കാരണമാകുകയും ചെയ്തു. ഇതിന്റെയൊക്കെ ഫലമായി വിപണിയിപ്പോള് നടപ്പു സാമ്പത്തിക വര്ഷത്തെ വരുമാന വളര്ച്ചാ പ്രതീക്ഷയായി കണക്കാക്കുന്നത് 10 മുതല് 13 ശതമാനം വരെയാണ്.
Content Highlights: Market Outlook: Growth Prospects Hinging on Earnings and US Trade Deal