ആഗോള സാഹചര്യങ്ങളും പണ നയവും നിര്‍ണായകം: ഈ മേഖലകളിലെ ഓഹരികള്‍ കുതിച്ചേക്കാം

ഹ്രസ്വകാലയളവില്‍ നിഫ്റ്റി 50 സൂചിക 24,000 ത്തിനും 25,000 ത്തിനുമിടയില്‍ വ്യാപാരം നടത്താനാണ് സാധ്യത. ഇതിന് അനേകം കാരണങ്ങളുണ്ട്. കരുതലോടെയുള്ള ഈ നീക്കത്തിന് പ്രധാന കാരണം ആഗോള രാഷ്ട്രീയ സാഹചര്യങ്ങളാണ്. പ്രത്യേകിച്ച് ഇന്ത്യയും യുഎസുമായുള്ള വ്യാപാര ബന്ധത്തിന്റെ ഗതി, ട്രംപ്-പുതിന്‍ കൂടിക്കാഴ്ചയുടെ അനന്തര ഫലങ്ങള്‍, റഷ്യന്‍, ചൈനീസ് നേതാക്കളുമായുള്ള മോദിയുടെ വരാനിടയുള്ള കൂടിക്കാഴ്ചകള്‍ എന്നിവ നിര്‍ണായകമാണ്.

അമേരിക്ക ഇപ്പോള്‍ ചുമത്തിയിട്ടുള്ള 25 ശതമാനം പിഴച്ചുങ്കം പിന്‍വലിച്ചേക്കുമെന്ന പ്രതീക്ഷ വിപണിക്കുണ്ട്. അതൊരു സമ്മര്‍ദതന്ത്രമായി മാത്രമേ നിക്ഷേപകര്‍ കണക്കാക്കുന്നുള്ളു. ട്രംപും പുടിനും തമ്മില്‍ ഏര്‍പ്പെട്ടേക്കാവുന്ന കരാറിനെപ്പറ്റിയുള്ള വാര്‍ത്തകള്‍ താത്ക്കാലിക ആശ്വാസം നല്‍കുന്നുണ്ട്. അമേരിക്ക ചൈനയുടെമേല്‍ ചുമത്തിയിട്ടുള്ള അധിക തീരുവ നടപ്പിലാക്കുന്നത് 90 ദിവസത്തേക്കു മരവിപ്പിച്ചതും ഈ പ്രതീക്ഷയ്ക്ക് ആക്കംകൂട്ടുന്നു. അമേരിക്കയില്‍ പണപ്പെരുപ്പം ഉയരുന്നതിന്റെ സൂചനകള്‍ കണ്ടു തുടങ്ങിയിട്ടുണ്ട്.

Content Highlights: Market Volatility: Navigating Geopolitical Factors and Shifting Monetary Policy