ഭവനവായ്പാ പലിശ ഉയരും: പ്രതിമാസ വർധന ഇപ്രകാരം, എങ്ങനെ മറികടക്കാം?

കൊച്ചിയിലെ ഒരു സ്വകാര്യ സ്ഥാപനത്തിൽ ജോലിചെയ്യുകയാണ് രമേഷ്. നിശ്ചിത വരുമാനത്തിൽ കുടുംബ കാര്യങ്ങളും മക്കളുടെ വിദ്യാഭ്യാസവും മുന്നോട്ടുകൊണ്ടുപോകുന്ന രമേഷിന്റെ ഫോണിലേക്ക് ബാങ്കിൽനിന്ന് അപ്രതീക്ഷിതമായി ആ സന്ദേശമെത്തി. താൻ എടുത്തിട്ടുള്ള ഭവനവായ്പയുടെ പലിശനിരക്കിൽ ബാങ്ക് വർധന വരുത്തിയിരിക്കുന്നു. കുറച്ചുവർഷങ്ങളായി പലിശനിരക്ക് താരതമ്യേന താഴ്ന്ന നിലവാരത്തിൽ തുടർന്നുപോന്ന സാഹചര്യത്തിലാണ് രമേഷ് ദീർഘകാല കാലാവധിയുള്ള ഭവനവായ്പ എടുത്തത്. കുറഞ്ഞ പലിശനിരക്കുകൾ ദീർഘകാലത്തേക്ക് തുടരുമെന്ന കണക്കുകൂട്ടലിൽ സ്വന്തം വരുമാനത്തിനനുസരിച്ച് പ്രതിമാസ ബജറ്റ് കൃത്യമായി ക്രമീകരിക്കാൻ അദ്ദേഹത്തിന് സാധിച്ചിരുന്നു. എന്നാൽ, പലിശനിരക്ക് ഉയർന്നതോടെ പ്രതിമാസ തിരിച്ചടവ് തുകയിൽ (ഇ.എം.ഐ.) പെട്ടെന്നുണ്ടായേക്കാവുന്ന വർധന മാസബജറ്റിന്റെ താളം തെറ്റിക്കുന്ന അവസ്ഥയിലെത്തിച്ചിരിക്കുന്നു.

പ്രതിമാസ തിരിച്ചടവ് തുകയിലുണ്ടാകുന്ന ചെറിയൊരു വർധനപോലും രമേഷിനെപ്പോലൊരു സാധാരണക്കാരന്റെ കുടുംബത്തിൽ കാര്യമായ പ്രതിസന്ധി സൃഷ്ടിക്കും. വീട്ടുചെലവ്, മക്കളുടെ ഫീസുകൾ, കുടുംബത്തിന്റെ ചികിത്സാച്ചെലവ്, വരാനിരിക്കുന്ന അടിയന്തര ആവശ്യങ്ങൾക്കായി മാറ്റിവെക്കുന്ന സമ്പാദ്യം എന്നിവയിലെല്ലാം വെട്ടിച്ചുരുക്കലുകൾ വരുത്താൻ അദ്ദേഹം നിർബന്ധിതനാകുന്നു.

Content Highlights: RBI increased the repo rate by 0.25%, leading to higher floating home loan interest rates., Higher interest rates directly increase monthly EMI amounts or loan tenures., Making prepayments using bonuses or extra savings helps reduce the overall interest burden significantly., Maintaining the same EMI while making prepayments helps shorten the loan tenure.