ഇന്ത്യയ്ക്കും പ്രായമാകുന്നു: യുവത്വത്തിന്റെ കരുത്ത് ഇനി എത്രനാൾ?

രാജ്യത്തെ വസ്ത്രക്കയറ്റുമതി ഹബ്ബായ തിരുപ്പൂരിലെ വൻകിട സ്ഥാപനങ്ങളിലെത്തിയാൽ മാറുന്ന ജനസംഖ്യാചിത്രത്തിന്റെ യഥാർഥ സൂചനകൾ ലഭിക്കും. വസ്ത്രക്കയറ്റുമതിയുടെ ആസ്ഥാനമായ ഇവിടെ ആറു ലക്ഷത്തോളം തൊഴിലാളികളാണ് രാപ്പകൽ ജോലി ചെയ്യുന്നത്. ഇളമുറക്കാരായ പ്രാദേശികത്തൊഴിലാളികൾ മറ്റു മേഖലകളിലേക്ക് ശ്രദ്ധ കേന്ദ്രീകരിച്ചതോടെ ഉത്തരേന്ത്യയിൽ നിന്നുള്ള യുവാക്കളാണ് തിരുപ്പൂരിലെ തുന്നൽയന്ത്രങ്ങളെ ഇപ്പോൾ ചലിപ്പിക്കുന്നത്. പ്രത്യേകിച്ച് ബിഹാർ, ഉത്തർപ്രദേശ്, ഒഡീഷ തുടങ്ങിയ സംസ്ഥാനങ്ങളിൽ നിന്നുള്ള കുടിയേറ്റത്തൊഴിലാളികൾ.

വെറുമൊരു തൊഴിൽവിപണി മാറ്റത്തിനപ്പുറം ഇന്ത്യയുടെ സാമ്പത്തികഭാവിയെ നിർണ്ണയിക്കുന്ന ജനസംഖ്യാ പരിവർത്തനത്തിന്റെ പ്രതിഫലനമാണിത്. 2025-ൽ അമേരിക്ക ഇറക്കുമതിത്തീരുവ വർദ്ധിപ്പിച്ചപ്പോൾ തിരുപ്പൂരിലെ ഓർഡറുകൾ കുറയുകയും നിരവധിയാളുകൾക്ക് തൊഴിൽ നഷ്ടപ്പെടുകയും ചെയ്തു. ഇത് വ്യക്തമാക്കുന്നത് രണ്ടു കാര്യങ്ങളാണ്: ഒന്ന്, രാജ്യത്തിന്റെ ഉല്പാദനമേഖല ആഗോള ചലനങ്ങളോടും കുടിയേറ്റത്തൊഴിലാളികളോടും എത്രത്തോളം ബന്ധപ്പെട്ടിരിക്കുന്നു. രണ്ട്, കുടിയേറ്റത്തൊഴിലാളികളുടെ സുരക്ഷിതത്വം ഉറപ്പാക്കാത്ത മാതൃക സാമ്പത്തിക പ്രതിസന്ധികളിൽ തകർന്നടിയാം. വരുംദശകങ്ങളിൽ ഇന്ത്യയിലുടനീളം പ്രകടമാകാൻ പോകുന്ന വലിയൊരു മാറ്റത്തിന്റെ തുടക്കം മാത്രമാണിത്. ഇന്ത്യയുടെ ഫെഡറൽ സാമ്പത്തിക ഘടനയെക്കുറിച്ച് പുനർചിന്തനം നടത്താൻ ഇത് നമ്മെ നിർബന്ധിതരാക്കുന്നു.

Content Highlights: Southern states like Kerala and Tamil Nadu are aging rapidly while northern states like Bihar and UP retain youthful populations., Internal migration from the north to the south is bridging workforce gaps in manufacturing hubs like Tiruppur., India's overall total fertility rate (TFR) has dropped to 1.9, accelerating the end of the demographic dividend by 2036., Economic models must integrate northern labor force with southern capital investments.