ഫിസിക്കൽ ഗോൾഡ് ഫണ്ടുമായി അർത്ഥ ഭാരത്: സ്വർണക്കട്ടിയായോ പണമായോ തിരിച്ചെടുക്കാം

അർത്ഥ ഭാരത് ഇൻവെസ്റ്റ്മെന്റ് മാനേജേഴ്‌സ് ഗിഫ്റ്റ് സിറ്റിയിലെ ആദ്യത്തെ ഫിസിക്കൽ കമ്മോഡിറ്റി ഫണ്ടായ 'അർത്ഥ ഭാരത് ഫിൻമെറ്റ് ഫിസിക്കൽ ഗോൾഡ് ഫണ്ട്' പുറത്തിറക്കി. നിക്ഷേപകർക്ക് പണമായോ സ്വർണക്കട്ടിയായോ (certified physical gold bars) തിരിച്ചെടുക്കാം എന്നതാണ് പ്രത്യേകത. സിംഗപ്പൂർ ആസ്ഥാനമായുള്ള ഫിൻമെറ്റുമായി സഹകരിച്ചാണ് പദ്ധതി നടപ്പാക്കുന്നത്. ഇന്ത്യ ഇന്റർനാഷണൽ ബുള്ളിയൻ എക്സ്ചേഞ്ചിന്റെ (IIBX) പ്രവർത്തനം സജീവമാക്കുന്നതിനും ദീർഘകാല നിക്ഷേപമായി സ്വർണത്തെ പ്രോത്സാഹിപ്പിക്കുന്നതിനും ഫണ്ട് ലക്ഷ്യമിടുന്നു.

സവിശേഷതകൾ

നിക്ഷേപ വിഹിതം: ഫണ്ടിന്റെ ആകെ തുകയുടെ കുറഞ്ഞത് 95 ശതമാനവും ഇന്ത്യ ഇന്റർനാഷണൽ ബുള്ളിയൻ എക്സ്ചേഞ്ച് വഴി വ്യാപാരം ചെയ്യുന്ന എൽ.ബി.എം.എ (LBMA) നിലവാരത്തിലുള്ള സ്വർണ്ണക്കട്ടികളിലാണ് നിക്ഷേപിക്കുന്നത്.

തിരിച്ചെടുക്കൽ: നിക്ഷേപം പണമായി പിൻവലിക്കാനോ സ്വർണക്കട്ടിയായി കൈപ്പറ്റാനോ സാധിക്കും.

പങ്കാളിത്തം: സിംഗപ്പൂർ ആസ്ഥാനമായുള്ള പ്രഷ്യസ് മെറ്റൽസ് സ്‌പെഷ്യലിസ്റ്റ് 'ഫിൻമെറ്റ്' ആണ് ഫണ്ടിന്റെ നിക്ഷേപ ഉപദേഷ്ടാവായി പ്രവർത്തിക്കുന്നത്. സ്വർണം വാങ്ങൽ, IIBX ട്രേഡിംഗ് പ്രോട്ടോക്കോളുകൾ, എൽ.ബി.എം.എ വിലനിർണയം എന്നിവയിൽ ഇവർ ഉപദേശം നൽകും.

പണമാക്കൽ: ആഴ്ചതോറും നിക്ഷേപിക്കാനും പിൻവലിക്കാനും കഴിയും.

ചെലവ് (Expense Ratio): ഫണ്ടിന്റെ ചെലവ് അനുപാതം 0.65 ശതമാനമാണ്.

നിക്ഷേപ സുരക്ഷ

• 2026 ജനുവരിയിൽ കമ്മോഡിറ്റി ട്രേഡിംഗിനെ സാമ്പത്തിക ഉത്പന്നമായി വിജ്ഞാപനം ചെയ്തതിനെത്തുടർന്നാണ് ഇത്തരം ഫണ്ടുകൾക്ക് രൂപം നൽകാൻ സാധിച്ചത്.
• ഗിഫ്റ്റ് സിറ്റിയിലെ IFSCA നിയന്ത്രിക്കുന്നതും IIDI ഇൻഷ്വർ ചെയ്തതുമായ വോൾട്ടുകളിലാണ് സ്വർണം സൂക്ഷിക്കുന്നത്.
• അർത്ഥ ഭാരതിന്റെ പശ്ചാത്തലം: IFSCA-ൽ രജിസ്റ്റർ ചെയ്ത ഫണ്ട് മാനേജ്മെന്റ് സ്ഥാപനം നിലവിൽ 7,155 കോടി രൂപ (750 മില്യൺ ഡോളർ)യുടെ ആസ്തിയാണ് കൈകാര്യം ചെയ്യുന്നത്.

സ്വർണത്തിന്റെ പ്രകടനം

Content Highlights: India's first physical gold fund operating via IIBX in GIFT City., Investors can redeem holdings as cash or LBMA-certified physical gold bars., Strategic partnership with Singapore-based FinMet for expert commodity advisory., Low expense ratio of 0.65% with weekly liquidity options., Secure storage in IFSCA-regulated and IIDI-insured vaults.